Samiti Evropian, BE i kërkon Turqisë të zhvillojë dialog dhe abstenim për veprime të njëanshme

Liderët e Bashkimit Evropian dhe sot janë mbledhur në Bruksel në kuadër të samiti dy ditor i cili filloi dje. Në tryezën e diskutimeve temat më të rëndësishme janë trazirat në Bjellorusi dhe tensionet në Mesdheun Lindor, njofton Portalb.mk. Veç këtyre temave të sipër përmendura në këtë samit diskutohet edhe për tregun e vetëm, politikat industriale dhe transformimin dixhital. 

Këshilli Evropian, lidhur me  vendimet e ditës së parë të samitit, njoftoi se BE ka një interes strategjik në një mjedis të qëndrueshëm dhe të sigurt në Mesdheun Lindor dhe në zhvillimin e një marrëdhënieje bashkëpunuese dhe të dobishme reciprokisht me Turqinë. Në këtë samit i është kërkuar Turqisë që të zhvillojë dialog në mirëbesim dhe abstenimi nga veprimet e njëanshme që bien ndesh me interesat e BE-së dhe shkelin të drejtën ndërkombëtare dhe të drejtat sovrane të shteteve anëtare të BE-së . Të gjitha ndryshimet duhet të zgjidhen përmes dialogut paqësor dhe në përputhje me ligjin ndërkombëtar. Në këtë kontekst, Këshilli Evropian ka  përsëritur solidaritetin e  të plotë me Greqinë dhe Qipron.

Sipas njoftimit të Këshillit Evropian, BE mirëpret hapat e fundit të ndërtimit të besimit nga Greqia dhe Turqia, si dhe njoftimin se ata do të rinisin bisedimet e tyre të drejtpërdrejta eksploruese që synojnë caktimin e kufijve të Shelfit Kontinental dhe Zonës Ekskluzive Ekonomike të të dy vendeve.

Në të njëjtën kohë, Këshilli Evropian dënon ashpër shkeljet e të drejtave sovrane të Republikës së Qipros të cilat duhet të ndalen. Këshilli Evropian i bën thirrje Turqisë që të përmbahet nga veprime të ngjashme në të ardhmen, në shkelje të ligjit ndërkombëtar. Këshilli Evropian nënvizon që caktimi i kufirit të Shelfit Kontinental dhe Zonës Ekskluzive Ekonomike duhet të adresohet përmes dialogut dhe negociatave në mirëbesim, në respekt të plotë të ligjit ndërkombëtar, dhe i bën thirrje Turqisë të pranojë ftesën nga Qiproja për t’u përfshirë në dialog me objektivin e zgjidhja e të gjitha mosmarrëveshjeve të lidhura me detin midis Turqisë dhe Qipros.

Këshilli Evropian gjithashtu shpreson dhe pret rifillimin e shpejtë të negociatave, nën kujdesin e KB, dhe mbetet plotësisht i përkushtuar për një zgjidhje gjithëpërfshirëse të problemit të Qipros brenda kornizës së KB dhe në përputhje me rezolutat përkatëse, duke përfshirë rezolutat 550 dhe 789 të KB , dhe në përputhje me parimet mbi të cilat është themeluar BE. Ajo pret të njëjtën gjë për Turqinë. BE është e gatshme të luajë një rol aktiv në mbështetjen e negociatave.

Me kusht që të vazhdojnë përpjekjet konstruktive për të ndaluar aktivitetet e paligjshme karshi Greqisë dhe Qipros, Këshilli Evropian ka rënë dakord të nisë një agjendë politike pozitive BE-Turqi me një theks të veçantë në modernizimin e Bashkimit Doganor dhe lehtësimin e tregtisë, dialogje të nivelit të lartë, bashkëpunim të vazhdueshëm për çështjet e migracionit, në përputhje me Deklaratën BE-Turqi 2016. Këshilli Evropian fton Presidentin e tij, në bashkëpunim me Presidentin e Komisionit dhe me mbështetjen e Përfaqësuesit të Lartë, të hartojnë një propozim për ri-organizimin e agjendës BE-Turqi për këtë qëllim.

Ndërkohë Ministria e Jashtme turke, siç raporton Reuters tha se shumë vendime të samitit të Bashkimit Evropian në lidhje me Turqinë ishin “të divorcuara nga realitetet”, duke shprehur shqetësim në lidhje me referencën e vazhdueshme të bllokut ndaj sanksioneve të mundshme kundër Ankarasë. Në samit, Qipro tërhoqi kundërshtimin e saj ndaj sanksioneve ndaj Bjellorusisë ndërsa udhëheqësit e tjerë të BE siguruan Qipron se blloku do të ndëshkojë Turqinë nëse vazhdon kërkimin e naftës dhe gazit në zonat e diskutueshme të Mesdheut.

Në fund, Këshilli Evropian bëri thirrje për një Konferencë Multilaterale mbi Mesdheun Lindor dhe ftoi Përfaqësuesin e Lartë të përfshihet në bisedime rreth organizimit të tij. Modalitetet si pjesëmarrja, fushëveprimi dhe afati kohor do të duhet të bien dakord me të gjitha palët e përfshira.

LEXO: Samiti Evropain sot dhe nesër diskuton çështjet e jashtme, manovrat e Turqisë kryefjalë e takimit