Finalja e NBA, Miami do jetë rivali i La Lakers
Do të jetë Miami Heat ai që do të përballet me Los Angeles Lakers për titullin kampion të NBA për vitin 2020, transmeton TCH.
Skuadra e drejtuar nga Erik Spoelstra arriti të fitojë ndeshjen e 6 ndaj Bostonit 125-113 duke e mbyllur serinë e sfidave me Celtics 4-2 për t’u shpallur kampione e Konferencës së Lindjes.
Për Miami heat kjo është hera e parë që nga viti 2014 që arrin në finalen e madhe të NBA. Në sfidën e së dielës, Miami nuk e pati shumë të lehtë të fitonte me Bostonin që pati meritën që u përpoq deri në fund për ta çuar serinë e finaleve të Konferencës së Lindjes në ndeshjen e 7-të. Në fakt deri në mesin e periodës së katërt nuk ishte e qartë se cila prej skuadrave do të fitonte pasi asnjë prej skuadrave nuk arrinte të krijonte një avantazh me më shumë se 10 pikë madje në fillimin e kësaj periode Bostoni kryesonte 96-90. Por Miami falë Adebayo arriti që të regjistrojë një rezultat të pjesshëm 35-17 dhe në fund arriti të fitojë këtë sfidë 125-113. vetë Adebayo e mbylli këtë sfisë më 32 pikë, 14 topa në tabelë dhe 5 assist.
Seria e Finales së Madhe të NBA nis në mbrëmjen e së mërkurës me Miamin që do të luajë ndaj LA Lakers së Lebron James. Kalifornianët mbeten favoritë për të fituar titullin, por Miami Heat është një kundërshtar që nuk duhet nënvlerësuar.