Në Kosovë u konfirmuan edhe tri viktima dhe 48 raste me koronavirus
Tri viktima dhe 48 raste të reja me koronavirus u raportuan të hënën në Kosovë. Instituti Kombëtar i Shëndetësisë Publike tha se viktimat u regjistruan në Prizren, Gjakovë dhe Gjilan, ndërsa rastet e reja rezultuan nga testimi i 645 mostrave. Instituti po ashtu raportoi se në 24-orëshin pararak u shëruan 142 pacientë nga koronavirusi, njofton REL.
Me shifrat e fundit, numri i përgjithshëm i rasteve pozitive me koronavirus në Kosovë arrin në 15,520.
Prej tyre, 625 pacientë kanë vdekur dhe 13,420 janë shëruar.
Numri i rasteve aktive në Kosovë aktualisht është 1,475.
