Kërkesa e Bullgarisë që Goce Dellçev të njihet si bullgar është e papranueshme për palën maqedonase

Kërkesa e Bullgarisë që Goce Dellçev të njihet si bullgar është e papranueshme për palën maqedonase. Kryesuesi i palës maqedonase në komisionin e përbashkët për çështje të historisë, Dragi Gjorgjiev, tha për TV Telma se në zgjidhjen e situatave konfliktuoze të këtilla, zhvillohet dialog dhe se në këtë rast, nevojitet një zgjidhje që do të jetë e pranueshme për të dyja palët, transmeton Portalb.mk.

“Për shumë situata konfliktuoze dialogu është e vetmja zgjidhje. Ne do të vazhdojmë me dialoh për Goce Dellçevin. Megjithatë, në atë dialog duhet çdoherë të kërkohet zgjidhje që do të jetë e pranueshme për të dyja palët. Zgjidhje e pranueshme do të thotë në të cilën nuk ka fitues, përkatësisht të dyja palët janë të kënaqura nga zgjidhja. Pranimi i zgjidhjes së njëanshme për Goce Dellçevin, që ai të jetë bullgar apo maqedonas, nuk është zgjidhje në këtë kontest”, deklaroi Gjorgjiev.

I pyetur në lidhje me memorandumin që Bullgaria i ka dërguar Komisionit Evropian rreth kornizës negociuese, në të cilën mohohet ekzistenca e kombit dhe gjuhës maqedonas para vitit 1944, ai u shpreh decid se kombet nuk krijohen me dekret.

“Kombet nuk krijohen me dekret, as nuk mundet që kombet t’i krijojë një person, një trup me vendim. Krijimi i kombeve është afatgjatë dhe proces shumë i komplikuar dhe kompleks. Dhe prej këtu, pretendimi se kombi maqedonas është krijuar me dekret në vitin 1944 nuk absolutisht asnjë bazë shkencore”, tha Gjorgjiev.

Bullgaria dhe Maqedonia e Veriut kanë formuar një komision të përbashkët për zgjidhjen e kontesteve sa i përket çështjes së historisë, por ende nuk ka ndonjë marrëveshje konkrete. Pas një pauze pothuajse një vjeçare. palët do të takohen sërish më 15 dhe 16 tetor, për një përpjekje të re për të zgjidhur kontestet historike mes tyre.

• LEXO: Osmani do të diskutojë në Bruksel “dosjen evropiane” të MV, Zaev i bindur se Bullgaria nuk do të pengojë fillimin e negociatave
• LEXO: Kryetari i palës bullgare të Komisionit për çështje të historisë: Duhet të përcaktohet identiteti i Goce Dellçevit
• LEXO: Iliev: Bullgaria mund të ngelet vetëm me mosmarrëveshjen me RMV-në
• LEXO: Bullgaria nuk do të kundërshtojë, por as nuk do të mbështesë mbajtjen e konferencës së parë ndërqeveritare për fillimin e negociatave me BE-në
• LEXO: Bullgaria kërkon nga BE të mos njohë kombin dhe gjuhën maqedonase
• LEXO: Bullgaria i vendosi Maqedonisë së Veriut kushte të reja për negociatat me BE-në
• LEXO: Bullgaria kushtëzon bisedimet për anëtarësim të Maqedonisë së Veriut në BE
• LEXO: Zaharieva: Bullgaria nuk e konteston identitetin, ndërsa Maqedonia ta zbatojë Marrëveshjen
• LEXO: Bullgaria i është rikthyer gjuhës dhe identitetit maqedonas
• LEXO: Bullgaria kërkon nga Maqedonia e Veriut të pranojë se Goce Dellçevi është bullgar
• LEXO: Bullgaria ka dorëzuar 30 faqe me vërejtje për librat e historisë në Maqedoni
• LEXO: Maqedonia dhe Bullgaria në zënkë të re për gjuhën
• LEXO: Eurodeputeti bullgar: Kuptoj, vështirë është të tejkalohen dekada të historisë së falsifikuar (Dokument)