Filipçe: Vendet e rajonit po diskutojnë për hapjen e kufijve pa teste PCR
Ministri i Shëndetësisë Venko Filipçe tha sot se të gjitha vendet në rajon po diskutojnë hapjen e të gjithë kufijve në të njëjtën kohë, dhe me të njëjtën politikë në lidhje me dorëzimin e testeve PCR. Gjërat kanë ecur përpara gjatë javës së kaluar, shkruan Meta.mk, njofton Portalb.mk.
“Shtetet anëtare të BE-së kanë vetëm një rekomandim, ata nuk kanë një politikë të përgjithshme të BE-së për këtë çështje dhe në atë kuptim ata kanë lirinë për të vendosur se cili do të jetë regjimi kufitar. Është e vërtetë që ne kemi njoftuar disa herë në javët e mëparshme se do të kemi ndonjë vendim, por fatkeqësisht po prisnim përgjigjen nga vendet fqinje. Më në fund ata u përgjigjën gjatë javës së kaluar, sistemi i koordinimit po funksionon, që tani mbështetet nga Ambasada Amerikane në Shkup. Unë sinqerisht shpresoj që do të shkëmbehen përfundimisht të gjitha informacionet dhe duke u bazuar në atë që do të thotë situata e saktë epidemiologjike në secilin prej vendeve të Ballkanit Perëndimor bile edhe Bullgarinë dhe Greqinë, ne do të marrim një vendim të përbashkët” – tha Venko Filipçe.
- LEXO: Shtetasit e Maqedonisë së Veriut mund të kalojnë transit nëpër Kosovë pa test PCR
- LEXO: Filipçe: Javën e ardhshme do të merret vendimi për hapjen e kufijve
- LEXO: Grubi-Tahiri: Kufiri midis Maqedonisë së Veriut dhe Kosovës duhet të jetë i hapur pa kushte
- LEXO: Greqia vazhdoi afatin për hapjen e kufijve tokësorë me Maqedoninë e Veriut
- LEXO:Afaristët nga Maqedonia e Veriut dhe Kosova kërkojnë heqjen e testit PCR gjatë kalimit kufitar
- LEXO: Maqedonia e Veriut dhe Kosova diskutojnë për hapjen e kufijve
