RMV, 100 punësime të reja dhe investim prej 2.5 milionë euro nga kompania gjermane, raportoi Qeveria
Fatmir Bytyqi, zv.kryeministri për çështje ekonomike në Maqedoninë e Veriut raportoi se është lidhur marrëveshje me kompaninë gjermane në Prilep për 100 punësime të reja, transmeton Portalb.mk.
“Kompania gjermane VIK, e cila që në vitin 2018 punon me sukses në zonë zhvillimore teknologjike- industriale në Prilep sot nënshkroi marrëveshjen për ndihmë , me të cilën parashihet investimi i dytë i kësaj kompanie me vlerë prej 2,5 milionë euro, si dhe punësim të 100 personave”, raportojnë nga kabineti i Bytyqit.
Raportohet se sot u nënshkruar marrëveshja ndërmjet Bytyqit dhe menaxherit gjeneral të kompanisë, Verner Shoeb. Kompania gjendet në Prilep, dhe raportohet se deri më tani ka realizuar 10.5 milionë euro investime dhe 250 punësime.