Grenell tha se është bërë progres i madh këtë javë në Prishtinë dhe Beograd
I dërguari i posaçëm i presidentit Donald Trump, për dialogun Richard Grenell, ka shkruar për takimet që ka pasur në Kosovë dhe Serbi në kuadër të implementimit të marrëveshjes ekonomike të arritur më 4 shtator në Shtëpinë e Bardhë.
Grenell i ka quajtur takimet në Kosovë dhe Serbi si progres të jashtëzakonshëm, transmeton Telegrafi.
“Liderët e Odave Ekonomike të Serbisë dhe Kosovës krah për krah, teksa zotohen se do të punojnë bashkë për implementimin e marrëveshjes historike të ndërmjetësuar nga Trump. Progres i jashtëzakonshëm këtë javë në Prishtinë dhe Beograd”, ka shkruar Grenell në Twitter.
