Jankulovska ende e lirë, rasti duhet t’i dërgohet penales, “duhet të jemi të durueshëm” thotë gjykatësi Arslani

Vendimi i Gjykatës së Lartë me të cilin konfirmohet aktgjykimi për rastin “Tenk”, ende nuk i është dërguar Gjykatës Penale. Në momentin kur lënda do të arrije në penale, menjëherë duhet të përgatitet letra e referimit, me anë të së cilës, ish ministrja Gordana Jankulovska do të duhet të burgoset, për të vuajtur dënimin me 4 vjet burg, shkruan Fokus.

Ushtruesi i detyrës i Gjykatës së Lartë, Faik Arslani, për MIA thotë se ende punon në lëndën, thotë që bëhet fjalë për rast kompleks.

“Ka shumë gjëra ligjore të cilat një nga një duhet të shpjegohen, na duhet pak më shumë kohë. Duhet të jemi të durueshëm disa ditë” tha Arslani.