Rusia pret të regjistrojë vaksinën e dytë anti-COVID në mesin e tetorit
Rusia është duke pritur që të regjistrojë vaksinën e dytë poteniale kundër COVID-19 deri kah mesi i muajit tetor, ka raportuar agjencia e lajmeve “TASS”, duke cituar agjencinë ruse të mbikëqyrjes së sigurisë së konsumatorit “Rospotrebnadzor”, transmeton Koha.net.
Vaksina është zhvilluar nga Instituti “Vector”, që ka kompletuar testimet e fazës së parë në njerëz javën e shkuar.
Vaksina pritet të regjistrohet më 15 tetor.
Rusia regjistroi vaksinën e parë kandidate në muajin gusht. Testimet e fazës së fundit, me së paku 40 mijë njerëz të përfshirë, janë duke vazhduar.
