fbpx

Vitin e kaluar, në RMV janë regjistruar 3,144 autobusë, me moshë mesatare prej 18,1 vjet (infograf)

Transporti me autobus në vend vitin e kaluar u zhvillua me një flotë të rriturish. Mosha mesatare e autobusëve që operojnë në transportin urban-periferik, ndërurban dhe ndërkombëtar në vitin 2019 ishte 18.1 vjet. Krahasimi i të dhënave nga Enti shtetëror i statistikës tregon se kufiri i moshës së flotës së automjeteve prej rreth 18 vjet nuk ka ndryshuar aspak brenda një dekade e gjysmë, raporton Meta, transmeton Portalb.mk.

Arsyeja kryesore për këtë strukturë të moshës së flotës është importi i autobusëve të përdorur nga jashtë, të cilët në rrugët e Maqedonisë dhe nëpër qytete vazhdojnë të mirëmbajnë transportin në linjat e caktuara. Vitin e kaluar, Drejtoria e doganës së RMV-së ka regjistruar import të 217 autobusëve të përdorur nga jashtë, që është 12 herë më shumë krahasuar me numrin e autobusëve të ri që i kanë blerë kompanitë e transportit me autobusë. Këtë vit, deri në fund të korrikut, janë importuar 89 autobusë të përdorur, si dhe 36 të rinj, ndërsa në grupin e dytë përfshihen autobusët e rinj të cilët i ka blerë NQP-Shkup.

Baza e të dhënave e Entit shtetëror të statistikave, MAKSTAT, thuhet se vitin e kaluar janë regjistruar 3,144 autobusë në të gjithë vendin, nga të cilët 941 në Shkup. Numri i përgjithshëm i flotës së regjistruar, që është përdorur për transportin rrugor ka mbetur stabil në 7-8 vitet e fundit, me pak më shumë se 3,000 autobusë me të cilët janë transportuar udhëtarë.

Ajo që ka ndryshuar ndjeshëm gjatë viteve e për të cilën “Meta.mk“ tashmë ka shkruar, është rritja shqetësuese e numrit të aksidenteve të trafikut, në të cilat ka persona me lëndime më të lehta dhe më serioze, si dhe udhëtarë ose shoferë të autobusëve të cilët e kanë humbur jetën. Vitin e kaluar e shënoi aksidenti me autobus afër Llaskarcës, në të cilin 16 persona humbën jetën dhe është aksidenti më i madh në transportin rrugor që nga pavarësia e vendit tonë.

Sidoqoftë, statistikat tregojnë rritje të ndjeshme të numrit të të lënduarve në aksidente me autobus në periudhën 2014-2019. Numri i personave të dëmtuar rëndë në aksidentet e autobusëve në këtë periudhë ka qenë nga 15 deri në 34 persona në vit, ndërsa çdo vit në këtë periudhë ka pas nga 121 deri në 166 udhëtarë dhe shoferë të autobusëve me lëndime të lehta. Këto shifra janë veçanërisht shqetësuese kur krahasohen me numrin e personave të lënduar në periudhën e 15 viteve më parë, kur ky numër ka qenë më shumë se pesë herë më i ulët se sot.

Përgjigja për arsyet e rritjes së këtyre numrave shqetësues mund të gjendet në buletinet e MPB-së. Në kontrollin e fundit për gjendjen teknike të autobusëve dhe taksive me të cilët realizohet transporti i udhëtarëve, policia më 31 gusht të këtij viti, në pjesë të ndryshme të vendit për vetëm pesë orë zbuloi 52 shkelje të ndryshme te automjetet të cilat kanë kryer transport publik të udhëtarëve.

Mungesa e mirëmbajtjes së flotës së disa transportuesve të pandërgjegjshëm, e kombinuar me vjetërsinë e flotës, duket se është kombinimi që çon në rritje të numrit të aksidenteve të autobusëve me pasoja të rënda në vend.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close