fbpx

Është vonuar zëvendësimi i tabelës dhe shkumësit me kompjuter

Institucionet janë vonuar me përgatitjet për mësimin në distancë në kushte të pandemisë, thotë kryetarja e Forumit edukativ rinor (FER) Stefani Spirovska. Ministrja e Arsimit, Milla Carovska thotë se së shpejti do të promovohet platforma unike kombëtare për onlajn mësimdhënie.

Pandemia kovid-19 ka ekspozuar mangësitë në arsim si dhe vonesën në digjitalizim që duhej të ishte vendosur deri tani, thonë njerëzit në këtë degë. Një nga problemet kryesore është pabarazia e cilësisë së arsimit kur krahason mjedise të ndryshme, si ndërmjet qyteteve të ndryshme, ashtu edhe midis mjediseve urbane dhe rurale, thotë kryetarja Forumit edukativ rinor (FER) Stefani Spirovska në intervistën javoren në Radio Evropa e Lirë që do të botohet e plotë të dielën.

Ajo shton se me pandeminë doli në sipërfaqe se sistemi është i papërgatitur për të siguruar qasje të barabartë në arsim për të gjithë nxënësit. Spirovska beson se institucionet janë vonuar me përgatitjet për mësimin në distancë në kushte të pandemisë.

“Definitivisht është vonë, sepse kjo nuk është diçka që nuk e dinim se do të ndodhte. Meqenëse të gjithë e dinim që mësimi do të vazhdonte në internet, me siguri institucionet e dinin para nesh. Supozoj se tani po bëhen përpjekje dhe nga ajo që ne si organizatë e dimë, por është padyshim vonë dhe vetë fakti që viti shkollor është shtyrë për një muaj tregon se ne përfundimisht nuk ishim të gatshëm për t’u përballur me këtë,” tha Spirovska.

Një shtatori këtë vit bie më një tetor

Në platformën e re unike arsimore kombëtare EDUINO, të cilën ministrja e Arsimit Milla Carovska e paralajmëroi se do të promovohet së shpejti, për momentin, janë postuar video për moshën parashkollore dhe shkollat ​​fillore, por jo për mësimdhënie në shkollat ​​e mesme. Presidenti i vendit, Stevo Pendarovski në tribunën “Digjitalizimi dhe arsimi” tha se është e padiskutueshme që zbatimi i mësimdhënies përmes platformave digjitale është një sfidë, veçanërisht për, siç thotë ai, një vend me burime të vogla.

“Dispozicioni i arsimit për të gjithë dhe kapërcimi i barrierave fizike është, për mendimin tim, një përfitim i jashtëzakonshëm për secilin individ dhe për shoqërinë në tërësi. Prandaj, duhet të jemi të gatshëm të investojmë në teknologjitë e informacionit dhe të zhvillojmë vegla digjitale, por mbi të gjitha, duke folur përgjithësisht, të punojmë në arsimimin digjital”, tha Presidenti Pendarovski, duke shtuar se procesi i arsimit ka një dimension shoqëror.

Specialisti për marrëdhëniet me publikun dhe mediat e reja, Bojan Kordallov thotë se semestri i kaluar dhe improvizimi që u zhvillua në arsim treguan se sistemi arsimor nuk është i gatshëm të zbatojë lloje të ndryshme të arsimit si vendet e tjera të zhvilluara në botë. Gjëja e dytë është se arsimi është më shumë se një dekadë vonë në atë që quhet reformë në vendin tonë e ky është digjitalizimi, thotë Kordallov.

“Diçka me të cilën brezat e sotëm, të rinjtë, fëmijët dhe nxënësit jetojnë, funksionojnë dhe mësojnë me të. Përfshirja e veglave digjitale, përfshirja e arsimit modern, jo sot me paraqitjen e koronavirusit, por shumë më herët është një përparësi dhe detyrim sepse është mënyra e vetme për të zëvendësuar dërrasën e zezë dhe shkumësin gradualisht me mjete digjitale, si do të kombinojmë arsimin me shprehitë dhe nevojat e nxënësve. Sot, por edhe dhjetë vjet më parë, të rinjtë dhe foshnjat lindin në internet”, tha Kordallov.

Ai shpjegon se nxënësit e shkollës fillore dhe të mesme jetojnë dhe punojnë në platforma digjitale, kështu që gjatë krijimit të politikave në arsim duhet të merret parasysh që arsimi të përshtatet me shprehitë dhe nevojat e nxënësve.

“Është njëlloj si të përshtatësh një shërbim me nevojat e klientëve, pra të konsumatorëve. Përdoruesit e shërbimeve në arsim janë nxënësit tuaj, grupi i dytë janë mësimdhënësit që janë partneri në zbatimin e këtij procesi. Kjo është arsyeja për të cilin arsimi digjital duhet të jetë një përparësi dhe nëse deri më tani ne e kemi injoruar atë fakt, më në fund kriza koronare, pavarësisht të gjitha gjërat negative, e ka vendosur këtë në krye të prioriteteve, “shpjegon Kordallov.

Mos e harroni maskën: në shkollë gjatë pandemisë

Fillimi i vitit shkollor për shkak të pandemisë me kovid 19 është shtyrë për një muaj dhe në vend të 1 shtatorit do të fillojë më 1 tetor, kurse mësimi, me qëllim që të mbrohet shëndeti i  nxënësve do të jetë i kombinuar, një pjesë me prani në shkollë dhe një pjesë onlajn. Viti i kaluar shkollor përfundoi me onlajn mësim, sepse me shpërthimin e pandemisë, në fillim të marsit me një vendim të qeverisë u mbyllën kopshtet, shkollat ​​dhe fakultetet, ndërsa mësimi zhvillohej në distancë.

Ministrja e Arsimit, Milla Carovska deklaroi se platforma unik kombëtare në të cilën do të zhvillohet procesi arsimor në internet do të promovohet së shpejti. Platforma, thotë Carovska, do të jetë e thjeshtë për t’u përdorur me komunikim të dyanshëm dhe është bërë në bazë të praktikave të mira.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close