Qeveritë e Kosovës, SHBA-së dhe e Serbisë nominohen për Çmimin Nobel për Paqe
Qeveria e Kosovës, SHBA-së dhe e Serbisë janë nominuar për çmimin Nobel për Paqe.
Këtë e ka bërë të ditur deputeti i Partisë Kristian Demokrate në Suedi, Magnus Jacobsson, i cili ka publikuar në Twitter edhe një dokument.
Nominimi i këtyre tri qeverive ka ardhur pas marrëveshjes së Washingtonit për normalizimin e marrëdhënieve ekonomike, transmeton KOHA.
“Kam nominuar Qeverinë e SHBA-së, Kosovës dhe Serbisë për çmimin Nobel për Paqe për punën e përbashkët për zhvillimin e paqes dhe ekonomisë, përmes marrëveshjes së bashkëpunimit të nënshkruar në Shtëpinë e Bardhë. Tregtia dhe komunikimet janë blloqe të rëndësishme ndërtimi për paqen”, ka shkruar ai në Twitter.
I have nominated the US Gov. and the governments of Kosovo and Serbia for the Nobel Peace Prize for their joint work for peace and economic development, through the cooperation agreement signed in the White House. Trade and communications are important building blocks for peace. pic.twitter.com/XuhkLbHZAV
— Magnus Jacobsson (@magnusjacobsson) September 11, 2020