VMRO-DPMNE-ja do ta bllokojnë udhëkryqin dhe rrugët para Komisionit Rregullator

S. B. 10:13, 11-09-2020

Sekretari i përgjithshëm i VMRO-DPMNE-së Igor Janushev dje në konferencë për shtyp paralajmëroi protestë të re për pasdite kundër shtrenjtimit të rrymës.

Protesta do të fillojë në ora 14:00 para Komisionit rregullator për energjetikë dhe një orë me automobila do ta bllokojnë udhëkryqin dhe rrugët para Komisionit Rregullator. Protesta do të fillojë para “Palloma Bjankës”.

LEXO: KRRE u ankua te Komuniteti energjetik (KE), BE-ja dhe SHBA-ja se VMRO-DPMNE po i bën presion të drejtpërdrejtë

Komisioni Rregullator për Energjetikë kumtoi se i ka informuar Sekretariatin e Komunitetit Energjetik në Vjenë, si dhe një pjesë të përfaqësuesve diplomatik ndërkombëtarë në vend lidhur me ngjarjet e fundit në vend lidhur me vendimin e 21 korrikut të këtij viti për miratimin e të ardhurave të rregulluara maksimale dhe çmimeve të elementeve përllogaritëse për ushtrim të veprimtarisë energjetike furnizim me energji elektrike të konsumatorëve të cilët i furnizon furnizuesi universal EVN HOME SHPK Shkup.

Të mërkurën VMRO-DPMNE-ja protestoi kundër rritjes së çmimit të energjisë elektrike. “Kërkojmë rrymë më të lirë, mafia nuk duhet të pasurohet në kurriz të popullit”, deklaroi kryetari i VMRO-DPMNE-së, Hristijan Mickoski, duke paralajmëruar edhe protesta tjera.

Gjithashtu protesta për fundjavë ka paralajmëruar Këshilli Organizativ i protestave kundër shtrenjtimit të çmimit të rrymës në Shkup. Nëpërmjet një komunikate ka njoftuar se do të vazhdojnë protestat e tyre. Ata paralajmëruar protestën e radhës në fund të kësaj jave.

Ndryshe, pas pesë protestave të organizuara në rrugë të qyteteve të ndryshme, në mënyra të ndryshme, për arsye të njëjtë, Këshilli organizativ i protestave kundër rritjes së çmimit të rrymës elektrike kërkoi takim me grupet parlamentare dhe deputetët e legjislaturës së re të Kuvendit të Maqedonisë së Veriut.

Javën e kaluar për herë të pestë me radhë mijëra banorë të Tetovës janë mbledhur të protestojnë kundër shtrenjtimit të rrymës elektrike. Marshi protestues filloi nga “Sheshi Iliria” dhe u ndal para ndërtesës së EVN-së. Protestuesit ngritën telefonat me dritën e lëshuar duke bërtitur “HAJDUTË” dhe “EVN Mafia”. Protesta gjithashtu u mbajtën në Gostivar, Shkup dhe në qytetet tjera.

Vendimi i KRRE-së për të rritur çmimin e energjisë elektrike ishte skandaloz, bile ende më skandaloze ishte përpjekja e vendimmarrësve për të bindur banorët se Maqedonia e Veriut ka çmimin më të ulët në Evropë. Çmimi i energjisë elektrike duhet të krahasohet me pagën mesatare mujore, kur bëhet ky krahasim, rezulton se kemi një ndër çmimet më të shtrenjta në Evropë. Gjithashtu, mbetet e paqartë metodologjia se si kalkulohet çmimi dhe në çfarë mënyre kontrollohet implementimi i saj ashtu që të sigurojë çmim sa më real i cili njëkohësisht merr parasysh edhe atë se sa janë të kënaqur qytetarët me shërbimin që marrin nga kompanitë distributore të rrymës elektrike.