Varhelji dhe Palmer kanë biseduar për pajtimin mes Serbisë dhe Kosovës
Komisari evropian për zgjerim, Oliver Varheji ka njoftuar se sot ka biseduar me komisarin e lartë amerikan, Metju Palmer në Berlin për zhvillimin ekonomik dhe pajtimin mes Serbisë dhe Kosovës, shkruan Mia.mk.
Varheji ka thënë se kanë diskutuar me Palmerin, përfaqësues special i sekretarit shtetëror amerikan për Ballkanin Perëndimor për “efektin e ndërsjellë të marrëveshjeve të nënshkruara në Uashington dhe punën e BE-së” në normalizimin e marrëdhënieve mes Serbisë dhe Kosovës.
“Kemi shqyrtuar se si të punojmë në implementimin me qëllim avancimin e zhvillimit ekonomik dhe pajtimin mes Serbisë dhe Kosovës”, ka shkruar Varheji në Twitter.