Mensur Idrizi dhe Burim Sadiku shumë afër Renovës

Dy futbollistët e formacionit bazë të skuadrës futbollistike Drita e Bogovinës, Mensur Idrizi dhe Burim Sadiku janë shumë pranë zyrtarizimit të një marrveshjeje me skuadrën e Renovës për gjashtë mujorin e ardhshëm futbollistik në LPFM.

Nga burime të afërta me futbollistët, Portalb mëson se marrveshja mes Renovës dhe sulmuesit gjegjësisht mesfushorit të Dritës tashmë është punë e kryer.
Detajet për marrveshjen akoma nuk dihen, por pritet që ditën e Hënë lajmi të bëhet publik për mediat. 

Idrizi dhe Sadiku tashmë i bashkangjiten listës së 4 futbollistëve që këtë stinor janë larguar nga Drita duke pasur parasysh se ditë më parë largimin kanë konfirmuar edhe Krstev, Zeadini, Çelik dhe Radonjiç.