MMJPH: Filloi procedura për shpalljen e një pjese të Malit Sharr si zonë të mbrojtur

Ministria e Mjedisit Jetësor dhe Planifikimit Hapësinor njofton se ka filluar procedura për miratimin e Projektligjit për shpalljen e një pjese të Malit Sharr si zonë të mbrojtur në kategorinë II – Park Kombëtar, transmeton Portalb.mk.

Në njoftimin e ministrisë thuhet se, shpallja e një pjese të Malit Sharr si zonë e mbrojtur në kategorinë Parku Kombëtar do të mundësojë promovimin e mbrojtjes, ruajtjes dhe përdorimit të qëndrueshëm të vlerave natyrore dhe rritjen e sipërfaqes së zonave të mbrojtura në nivelin kombëtar (me rreth 2.1%), pra nga ato aktuale 8.9% në 11%. Kjo do të kontribuojë në avancimin e zbatimit të Objektivave Aichi të Konventës mbi diversitetin biologjik (CBD) dhe konventave të tjera të ruajtjes (Bern, CITES, Bon, Ramsar, etj.), progres në përmbushjen e objektivave dhe veprimeve të Strategjisë kombëtare për ruajtjen e natyrës me Planin aksional për periudhën (2017-2027) dhe Strategjisë Kombëtare të Biodiversitetit me Planin aksional për periudhën (2018-2023).

“Bazuar në Studimin, MMJPH përgatiti Informacion mbi nevojën e shpalljes së një pjesë të Malit Sharr si zonë të mbrojtur në kategorinë Park Kombëtar dhe ia paraqiti atë për mendim njësive të vetëqeverisjes lokale, institucioneve përkatëse shtetërore dhe Qeverisë së RMV-së. Qeveria në Seancën e dyzet e nëntë, të mbajtur më 5 maj, 2020, shqyrtoi dhe miratoi Informacionin, miratoi Vendimin mbi pranueshmërinë e propozimit për shpalljen e një pjese të Malit Sharr si zonë të mbrojtur në kategorinë II – Park Kombëtar dhe e obligoi MMJPH-në të zhvillojë një debat publik mbi propozimin, të përgatisë aktin përfundimtar për shpalljen (Ligji për shpalljen e një pjese të Malit Sharr si Park Kombëtar) dhe të paraqesë propozimin përfundimtar në Qeveri”, thuhet në njoftimin e ministrisë.

Të dhënat e procesit, ministia njoftoi se mund të gjenden në këtë adresë.

• LEXO: Hidrocentralet e vogla janë rrezik për lumenjtë ballkanik   
• LEXO:Kur do të shpallet Mali Sharr park nacional?
• LEXO: Drurët e Malit Sharr po priten, banorët ngelen të revoltuar ndërsa hidrocentralet po ndërtohen
• LEXO:  Alpinistët gjatë ecjes në Malin Sharr, kërkuan të “shpëtohet Leshnica” (VIDEO)
• LEXO: Sharri do të bëhet Park Nacional, pasi ta shëmtojnë me hotele, centrale dhe vikend shtëpiza të reja, thonë ekologët
• LEXO: Nëse Mali Sharr nuk shpallet për park nacional i kanoset zhdukja e shumëllojshmërisë
• LEXO: Që nga programi i vitit 2011 BDI premton që Brezin e Sharrit do ta shndërroj në park nacional
• LEXO: Nëse Mali Sharr nuk shpallet për park nacional i kanoset zhdukja e shumëllojshmërisë
• LEXO: Kur do të shpallet Mali Sharr park nacional?
• LEXO: Izairi: Mbrojtja e Malit Sharr është prioritet kombëtar
• LEXO: Ahmeti: Edhe Mali Sharr do të shpallet zonë e mbrojtur me ligj
• LEXO: Po u mbushe tre herë me frymë Sharri, nuk jeton dot pa të (FOTO)
• LEXO: Pse nuk shfrytëzohet Mali Sharr, një pasuri e madhe natyrore?