Më 14 shtator fillon viti shkollor në Greqi, maska e domosdoshme për të gjithë nxënësit
Me qëllim që t’u jepet prindërve kohë e mjaftueshme pasi të kthehen nga pushimet verore dhe të kufizohen lëvizjet e të infektuarve asimptomatikë, viti shkollor në Greqi do të fillojë një javë më vonë se sa ishte planifikuar, gjegjësisht më 14, në vend që më 7 shtator, njoftoi sot ministrja e Arsimit të Greqisë, Niki Kerameos, raporton korrespondentja e MIA-s nga Athina.
Kerameos, në konferencën e sotme për shtyp, u bëri thirrje prindërve që të kthehen nga pushimet që të kufizohen lëvizjet dhe të stabilizohet pamja epidemiologjike në vend.
Ministrja greke e Arsimit i përsëriti masat dhe protokollet për nxënësit e komunikuar javën e kaluar, gjegjësisht që secila klasë do të jenë në kapacitet të plotë, me praninë fizike të të gjithë nxënësve dhe maska do të jetë e detyrueshme për të gjithë.
Do të sigurohen dy maska falas për secilin nxënës, si dhe një shishe uji që mund të ripërdoret.
Maska falas ofrohen gjithashtu për mësuesit dhe profesorët.
Shkollat do të pastrohen rregullisht, ndërsa me ndihmën e komunave do të ketë antiseptikë, kurse është planifikuar, nëse është e nevojshme, të bëhen teste të rastit për Kovid-19.