Papa bëri thirrje të anulohet borxhi i vendeve të varfra

Papa Françesku përsëriti thirrjen për anulimin e borxhit që kanë vendet e varfra. Ai tha se për shkak të pandemisë është koha për “drejtësi rikuperuese”. Papa po përgatitet për një audiencë me prani të publikut që do të mbahet të mërkurën, njofton REL.

Kjo është audienca e parë e tillë që nga fillimi i pandemisë së koronavirusit në Itali, gjashtë muaj më parë, raporton AFP.

“Unë përsëris thirrjen time për anulimin e borxhit të vendeve më të rrezikuara, si shenjë e njohjes së ndikimit të rëndë të krizës mjekësore, sociale dhe ekonomike që po përballen këto vende si pasojë e COVID-19”, tha kreu i Kishës Katolike.

Banka Botërore paralajmëroi muajin e kaluar se pandemia mund të ketë çuar deri në 100 milionë njerëz në varfëri ekstreme.

Ekonomitë e zhvilluara tashmë janë zotuar të pezullojnë deri në fund të vitit pagesat e borxhit të vendeve më të varfra.

Lajme të ngjashme

Leave a Reply

Your email address will not be published. Required fields are marked *

Back to top button