Ambasadorja amerikane e uroi Zaevin: Si miq dhe partnerë e vazhdojmë bashkëpunimin me qeverinë e re
Ambasadorja amerikane në vend, Kejt Meri Bërns e ka përshëndetur formimin e qeverisë së re në Maqedoninë e Veriut dhe dërgoi urata deri te kryeministri Zoran Zaev dhe shumica parlamentare, njofton Portalb.mk.
“Urime deri te kryeministri Zoran Zaev dhe shumica parlamentare për formimin e qeverisë së re në aqedoninë e Veriut. Si miq dhe partnerë presim bashkëpunim me qeverinë për zhvillimin e mëtutjeshëm në lidhje me qëllimet reformuese dhe përkushtimin e vendosur për sundim të së drejtës”, shkruan ambasadorja Bërns në Twitter.
Congratulations to Prime Minister @Zoran_Zaev & the parliamentary majority on the formation of a new government in ??. As a friend & partner, we look forward to working with @vladamk to demonstrate continual progress on EU reform goals & unwavering commitment to the rule of law.
— Ambassador Kate Byrnes (@USAmbNMacedonia) August 31, 2020
Ndryshe, në Kuvendin e Maqedonisë së Veriut, mbrëmë, me 62 vota “për” dhe 53 “kundër” u votua Qeveria Zaev 2, pasi deputetët shqyrtuan propozimin për përbërjen e qeverisë së re në krye me mandatarin Zoran Zaev. Zgjedhjet e parakohshme parlamentare në Maqedoninë e Veriut u mbajtën më 15 korrik. Për shkak të gjendjes me koronavirusin u votua tri ditë, nën protokolle të rrepta shëndetësore.