Reagoi Milloshoski pasi Prokuroria akuzoi atë dhe 12-të të tjerë në rastin “I fuqishmi”
Antonio Milloshoski, ish-ministri në qeverinë e Nikolla Gruevskit, ka reaguar pasi sot Prokuroria ka ngritur akuzë ndaj tij dhe 12-të të dyshuarve të tjerë në rastin “I fuqishmi”, transmeton Portalb.mk. Ai këto akuza i vlerëson si presion politik ndaj atyre që nuk mendojnë njëjtë
“Prokuroria vazhdon të jetë mjet për shtypje nga qeveria drejt disidentëve”, deklaroi Milloshoski.
Ai vlerësoi se çdo kundërshtar i politikës së klanit Zaev do të përballet me raste të tilla, me qëllim që të fshihen aferat aktuale të qeverisë.
“Por, gjithçka do të marrë fund, duke përfshirë edhe keqpërdorimin e prokurorisë dhe gjyqtarëve nga ana e qeverisë së Zaevit”, deklaroi Milloshoski.
Ndryshe këtë rast e hapi Prokuroria Speciale në Mars të 2018-ës. Më pas e mori përsipër Prokuroria Publike ndërsa prokurorja Fatime Fetai vazhdoi të punojë në këtë rast.
PSP-ja gjatë publikimit të rastit deklaroi se Milloshoski, nga pozicioni i tij politik, ka mundësuar shitjen e pronave shtetërore me çmime të ulëta. Në vitin 2011, ai dyshohet se ka arritur ta hetojë këshillin e komunës së Pllasnicës për të tjetërsuar një kooperativë, ndërsa dëmi vlerësohet rreth 50 mijë euro.
