Anti-korrupsioni nuk e verifikoi pronën e gjykatësve dhe e akuzoi këshillin gjyqësor, Zdravev u tregoi se si kanë mundur ta bëjnë atë vetë
Komisioni Antiorrupsion nuk ka bërë asgjë në lidhje me verifikimin e statusit të pasurisë së gjyqtarëve, të cilin e paralajmëroi në janar të këtij viti. Nuk ka rezultat nga kontrolli i pyetësorëve për shkak të sjelljeve të mundshme korruptive të ish-kryetarëve të gjykatave Jovo Vangellovski dhe Vlladimir Pancevski, ish-kryetari i Këshillit Gjyqësor Aleksandra Zafirovska dhe të tjerët, diçka që Antikorrupsioni e paralajmëroi qysh shpalli në Mars 2019, njofton Portalb.mk.
Kryetarja e Komisionit Antikkorrupsion Biljana Ivanovska, konfirmoi se projekti për verifikim të statusit të pasurisë së gjyqtarëve dështoi dhe e fajësoi Këshillin Gjyqësor për atë. Kryetari i Këshillit gjyqësor Kiro Zdravev, nga ana tjetër, thotë se ai nuk mendon se Ivanovska duhet të shfajësohet përmes përmes tyre, por se ata duhet të fillojnë të bëjnë atë që është përgjegjësia e tyre. Ai këshillon anëtarët e Komisionit Antikorrupsion se çfarë duhet të bëjnë dhe të shpëtojnë diçka nga viti që kaloi pa shikuar pyetësorët e gjyqtarëve.
Më 23 janar, Ivanovska njoftoi se do të bëhej një listë e gjyqtarëve, statusi i pasurisë së të cilëve do të verifikohej, me ndihmën e Këshillit gjyqësor.
“Ajo që na dërgoi Këshilli gjyqësor është e papërdorshme. Ne i kemi kërkuar që, me ndihmën e tyre, të përcaktojnë kriteret për kryerjen e ekzaminimeve të gjendjes pasurore të këtyre zyrtarëve. Ne i kemi kërkuar që të na jepnin të dhëna për numrin e lëndëve të pranuara për punë, numrin e lëndëve të zgjidhura të gjyqtarëve, numrin e çështjeve të tyre që kanë rënë në ankesë në gjykatë më të lartë. Me këto, do të bënim listë të gjyqtarëve, vendimet e të cilëve shpesh korrigjohen nga gjykatat më të larta dhe të përqendrohemi në kontrollimin e pasurisë së atyre gjyqtarëve, jo të të gjithëve. Në vend të të dhënave të tilla, Këshilli gjyqësor na dërgoi një program vjetor të gjyqtarëve në gjykatat në Maqedoni. Ndërsa ne deshëm të krijojmë softuer me të dhëna të tilla”, tha Ivanovska.
Ndërkohë Zdravev i mësoi Ivanovskën se cila është kompetenca e Komisionit shtetëror për parandalim.
“Komisioni antikorrupsion duhet të merret me punën e vet, jo me punën tonë. Ne i shikojmë dhe numërojmë lëndët te gjyqtarët, duke ndjekur ekspertizën dhe vetëdijen e tyre. Kontrollimi i statusit të pasurisë sime dhe i të gjithë gjyqtarëve është përgjegjësi e Komisionit antikorrupsion. Nuk mund të kërkojnë nga ne diçka që është puna jonë. Ata duhet të fillojnë nga ajo që gjyqtarët e kanë deklaruar se e zotërojnë si pronë dhe nga fakti se paga e gjyqtarëve është rreth 1.000 euro. Pastaj duhet të kontaktojnë Kadastrën, DAP, Policinë financiare ose Prokurorinë, për të kontrolluar origjinën e parave apo pasurive të paluajtshme, nëse janë të trashëguara, nëse është blerë me ato para që është blerë, etj. Ndoshta gjithçka është në rregull, por ato duhet të kishin kontrolluar deri tani”, iu përgjigj ai.
Më 27 Mars 2019, Ivanovska tha që së pari do të kontrollonte pyetësorët e ish-kryetarëve të gjykatave Jovo Vangellovski dhe Vlladimir Pançevski, ish-kryetares së Këshillit gjyqësor Aleksandra Zafirovska, gjyqtares Sofija Llalliçiq dhe Svetllana Kostova, të cilët ishin përmendur në bomba se si drejtori i DSK-së Sasho Mijallkov u kishte ndihmuar atyre gjatë përzgjedhjes. Ivanovska përmendi që këta gjyqtarë ishin përmendur edhe në raportet e Departamentit të Shtetit Amerikan dhe se origjina e pasurisë së tyre do të hetohej për shkak të sjelljeve të mundshme korruptive.
Por, për një vit e gjysmë nuk ka asgjë nga kjo, Kryetarja Ivanovska tha se lënda është ende në Policinë financiare. Drejtori i policisë financiare është Arafat Muaremi.
