Turqi, janë sekuestruar mbi 1,5 milion rrënjë kanabis

Forcat turke të sigurisë sekuestruan më shumë se 1,5 milion rrënjë kanabis në Turqinë lindore, raporton Anadolu Agency (AA).

Sekuestrimi u zhvillua gjatë një operacioni antidrogë të kryer nga ekipe të xhandarmërisë në një fshat të provincës Van për të ndaluar trafikimin e drogës nga grupi terrorist PKK dhe për të nxjerrë autorët para drejtësisë, thanë autoritetet në një deklaratë.

Në fushatën e saj terroriste më shumë se 30-vjeçare kundër Turqisë, PKK, e cilësuar si organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e 40.000 njerëzve, përfshirë shumë gra, fëmijë dhe foshnja.