fbpx

RMV, Pas artikullit të “Portalb”, BZHA publikoi udhëzues të ri të përdorshëm për mësimdhënësit

Pasi “Meta” publikoi se Udhëzuesi për regjistrim dhe përdorim të sistemit për mësim është i padobishëm, autoritetet në Byronë për Zhvillimin e Arsimit (BZHA) sot postuan version të ri të dokumentit në ueb-faqen e tyre zyrtare që kësaj radhe do të jetë më e dobishme për mësimdhënësit, të cilët e përdorin udhëzuesin. Dokumenti i ri mund të gjendet në të dy versionet edhe në maqedonisht edhe në shqipe në faqen e internetit të Byrosë.

Disa mësimdhënës reaguan se ata nuk mund të hapnin lidhjet dhe se fotot e dhëna në udhëzime nuk ishin të dobishme sepse teksti në to nuk mund të lexohej për shkak të rezolucionit të ulët. Tani me formatin e ri të dokumentit, tani qasja e plotë në onlajn kursin në temë “Realizimi i mësimit duke përdorur mjete TIK të ndryshme për mësim” është konsiderueshëm më lehtë. Shembujt e skanuar janë me ngjyra, teksti mund të lexohet qartë, ndërsa lidhjet mund të klikohen drejtpërdrejt, në vend që të përshkruhen të gjithë karakteret e URL-së veç-e-veç, siç ishte deri dje.

Këtë kurs, që autoritetet e Byrosë e kanë krijuar për shkak të situatës aktuale me kovid-19, do të duhet ta kalojnë të gjithë mësimdhënësit në vend, ndërsa shkollat ​​tona kanë rreth 20.000 mësimdhënës. Në fund ata do të marrin certifikata për kryerjen e kursit.

Duke i ndjekur tendencat në arsim, BZHA ka siguruar një sistem të menaxhimit të mësimit me ndihmën e të cilit, siç thonë ata, do të jetë e nevojshme të monitorohet dhe mbështetet zhvillimi i karrierës dhe profesional i mësimdhënësve.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close