Gjykimi për organizatorët e 27 prillit, vazhdon më 26 gusht

Gjykimi për organizatorët e ngjarjeve të 27 prillit në Kuvend, vazhdon më 26 gusht, pasi mbrojtja filloi t’i paraqesë provat materiale në seancën e sotme.

Ish-kryetari i Kuvendit, Trajko Valanovski lexoi fragmente nga procesverbalet e komisioneve parlamentare, mbledhjeve koordinuese dhe të disa vazhdimeve të seancës konstituive të Kuvendit, të cilin ai i propozoi si provë materiale, duke sqaruar se bëri përpjekje për të vazhduar seancën konstitutive dhe për të zgjedhur kryetar, por që nuk u siguruan rrethanat procedurale për këtë.

Mbrojtja e Veljanovskit, ka thirrur rreth 50 dëshmitarë, deputetë që do të merren në pyetje në disa nga seancat e ardhshme.

Në fillim të seancës së sotme, gjykata e pranoi kërkesën e mbrojtjes për marrjen në pyetje të Marijan Stoillkovskit – shef i Mjekësisë Ligjore në Ministrinë e Punëve të Brendshme gjatë përgatitjes së ekspertizës në telefonat celular, por nuk e pranoi kërkesën për veçimin e tyre nga lista e provave, transmeton MIA.

Procesin gjyqësor e udhëheq gjykatësi Ilija Trpkov, a përfaqësues i akuzës është prokurorja Villma Ruskovska.

Të akuzuar në këtë lëndë janë ish kryeparlamentari, Trajko Veljanovski, ish ministri i Transportit dhe Lidhjeve Mile Janakieski, ish ministri i Arsimit, Spiro Ristovski dhe ish drejtori i Policisë Sekrete, Vlladimir Atanasov.

Në këtë lëndë akuzohen edhe ish kryeministri Nikolla Gruevski dhe ish pjesëtari i DSK-së, Nikolla Boshkovski, megjithatë pasi që ata janë të arratisur, procedura për ta do të ndahet dhe të njëjtit do të gjykohen, pasi të jenë të kapshëm për organet e rendit.

“Të dyshuarit në fillim të vitit 2017-të, kishin përgatitur dhe realizuar plan me qëllim që të pamundësojnë pranim-dorëzimin e qetë të pushtetit. Kishin organizuar dhe materialisht i kishin mbështetur protestat masive, së pari para  Komisionit Shtetëror Zgjedhor, ndërsa pastaj edhe protestat e lëvizjes “Për Maqedoni të përbashkët” të cilat kulmuan me hyrjen e dhunshme në Kuvend më 27 prill të vitit 2017-të”, kanë theksuar nga PThP.

Sipas PTHP-së kjo ishte bërë me qëllim që të rrezikohet rendi kushtetues dhe siguria.

“Me qëllim që ta rrezikojnë rendin kushtetues dhe sigurinë, ditën kritike kishin organizuar hyrjen pandërprerë të masës së popullatës në shtëpinë ligjvënëse,  kanë përfshirë shoqata patriotike për realizimin e dhunës. Njëherit nga selia e partisë politike vazhdimisht e kishin mobilizuar anëtarësinë e partisë nga Shkupi dhe qytetet tjera. Njëkohësisht, një nga të dyshuarit me veturë, pronë e Drejtorisë për Siguri dhe Kundërzbulim, kishte sjellë armë dhe jelekë mbrojtës para Kuvendit të Republikës së Maqedonisë që ishin të dedikuar për persona të cikët protestojnë dhe kanë përvojë në menaxhimin me armët. Me këto aktivitete të dyshuarit kishin shkaktuar ndjenjën e pasigurisë, kërcënim dhe frikë te qytetarët”, thonë nga PTHP.

LEXO: Dihet kush i ka hapur dyert e Kuvendit më 27 prill dhe 4 organizatorët që urdhëruan, tha Ruskovska
LEXO: U anulua gjykimi për organizatorët e 27 Prillit: Mbrojtja kërkoi t’i shohë provat
LEXO: Dy vjet nga 27-prilli i 2017-s në Kuvendin e RMV-së: Gruevski azilant në Hungari, deputetë të amnistuar (VIDEO)
LEXO: Rasti i 27 prillit