Ndërroi jetë kryeprokurori i Gjakovës, Ali Selimaj
Kryeprokurori i Gjakovës, Ali Selimaj, ka vdekur të dielën mbrëma.
Burime brenda Spitalit të Përgjithshëm të Gjakovës i kanë thënë KOHËS se ai ka vdekur në Spitalin e Gjakovës, nga një sëmundje e rëndë.
Selimaj ishte i sëmurë tash e një vit dhe ishte dërguar disa herë jashtë Kosovës për trajtim.
Selimaj ishte shtrirë në Spitalin e Gjakovës të shtunën mbrëma, në gjendje të rëndë.
