Tribunali i Hagës mbyll Zyrën në Kosovë

Zyra e Tribunalit të Hagës është mbyllur në Kosovë dhe në Kroaci. Ndërkaq, zyrat në Beograd dhe në Sarajevë do të vazhdojnë të jenë të hapura.

Kështu thuhet në njoftimin e Tribunalit të Hagës.

“Unë u jam mirënjohës stafit të dy zyrave ndërlidhëse të cilët gjatë viteve kanë punuar në mënyrën më të përkushtuar dhe kanë ofruar mbështetje esenciale për punën e Tribunalit”, ka thënë presidenti i Tribunalit të Hagës, gjyqtari Theodor Meron.