Bjellorusi: Fitore bindëse e Lukashenkos, opozita në protestë

Sipas informacioneve të para nga pothuajse të gjitha vendvotimet. Aleksandar Lukashenko ka fituar 81,35 për qind të votave për mandat të ri të gjashtë si president i Bjellorusisë, njoftoi mbrëmë kryetarja e Komisionit Qendror Zgjedhor, Lidija Jermoshina.

Në vendin e dytë është Svetllana Tihanovska, për të cilën kanë votuar tetë për qind e votuesve, ndërsa kandidati “kundër të gjithëve”, ka fituar katër për qind.

Edhe sondazhet kanë treguar se Lukashenko bindshëm do të fitojë me 79.7 për qind të votave.

Megjithatë, bashkëpunëtorët e Tihanovskës pohojnë se sipas rezultateve nga numërimi alternativ të votave, ajo ka fituar më shumë se 80 për qind, transmeton MIA.

Të pakënaqur nga rezultatet e votimit, mbështetësit e opozitës dolën në rrugët e disa qyteteve për të protestuar.

Demonstruesit në qendër të Minskit hodhën gurë ndaj policisë, ndërsa policia përdori gaz lotsjellës kundër tyre.