Hoti pas futjes së xhandarmerisë serbe në Kosovë: Do të veprojmë në përputhje me Kushtetutën
Kryeministri i Kosovës, Avdullah Hoti ka reaguar pas hyrjes së xhandarmerisë serbe në fshatin Karaçevë të Kamenicës, duke thënë qytetarët tanë në atë pjesë nuk do të jenë pa mbrojtje të institucioneve.
Hoti ka shkruar në Facebook se lidhur me atë që ka ndodhur dje në Karaçevë, janë angazhuar të gjitha organet përkatëse për të vlerësuar rastin. “Shpejt do të kem një raport të detajizuar, transmeton TCH.
Qytetarët tanë në atë pjesë nuk do të jenë pa mbrojtje të institucioneve. Veprimet tona do të jenë në përputhje me kushtetutën dhe ligjin, si dhe të koordinuara me të gjithë mekanizmat e sigurisë në vend”, ka shkruar ai.
