Spasovski realizoi takim me Xhemailin, palët optimiste se do të gjejnë zgjidhje për ujësjellësin në Siniçan

Kryeministri teknik, Oliver Spasovski sot ka realizuar një takim me kryetarin e Bogovinës, Albon Xhemaili, për të diskutuar për problemin e ndërtimit të ujësjellësit në vendbanimin Siniçan të kësaj komune. Të dyja palët, pas takimit, kanë shprehur optimizmin e tyre se do të gjejnë zgjidhje efikase. Nëpërmjet një komunikate nga Qeveria informuan se, është arritja e mirëkuptimit mes përfaqësuesve të fshatrave Siniçan dhe Urviç, hap mundësi për zgjidhje që do të jetë në interes të të gjitha palëve, njofton Portalb.mk.

“Të drejtë për qasje për ujë ka çdo banor dhe me atë bëhet politikë. Qeveria është e përcaktuar që të gjejë zgjidhje edhe për problemin aktual me qasjen për ujë të banorëve të fshatit Siniçan dhe për gjetjen e zgjidhjes së përhershme për furnizim me ujë në Komunën Bogovinë. Do të shqyrtojmë mundësitë juridike dhe ligjore për veprim efikas dhe në dialog të hapur me banorët e prekur, siç ishte takimi i sotëm”, tha kryeministri Spasovki.

Edhe Xhemaili është shprehur optimist sa i përket gjetjes së zgjidhjes së këtij problemi.

“Unë prap insistoj se banorët e mi kanë ngelur pa ujë për pije dhe kërkoj sa më shpejtë të zgjidhet kjo situatë. Duhet një zgjidhje e menjëhershme e problemit. Shpresojmë se brenda këtyre ditëve do të kemi përgjigje pozitive”, deklaroi Xhemaili.

Ndryshe, fshati Siniçan gjatë kohë ka problem me ujin e pijshëm. Për këtë shkak, para një jave, banorët e fshatit me vetëiniciativë dolën për të punuar dhe për të rregulluar një gyp për ujësjellës të përkohshëm, në një vend malor në hyrje të fshatit fqinj, Urviç. Por, banorët e Urviçit nuk lejojnë të merret ky burim me ujë prandaj dhe e kanë thirr policinë e cila i ndaloi punimet me pretekstin se presin urdhrin me shkrim nga prokuroria që të tërhiqen. 

Megjithatë, ditëve të fundit banorët kanë përafruar qëndrimet dhe vendasit e Urviçit pasi realizuan takim me kryetarin e komunës së Bogovinjës, u pajtuan që Siniçani të shfrytëzojë ujë nga burimi në tokën e tyre.

• LEXO: MPB padi për kryetarin e Bogovinës, Xhemaili: Le të dorëzojnë edhe 100, nuk heq dorë nga ujësjellësi
  
• LEXO: Përafrohen qëndrimet e Urviçit dhe Siniçanit për tejkalimin e problemit me furnizimin me ujë
  
• LEXO: RMV, qeveria e gatshme për ndihmë teknike komunës së Bogovinës për problemin e ujit në Siniçan
  
• LEXO: Qeveri-Komunë, s’ka marrëveshje për ujin në Siniçan
  
• EXO: Banorët e fshatit Siniçan ndjehen të shqetësuar, ende nuk kanë ujë për pije
• LEXO: Rasti i Siniçanit, Spasovski: Zgjidhja të vijë përmes kornizave ligjore
• LEXO: Ngjarjet në Siniçan, Prokuroria Publike do ta hetojë ndërtimin e ujësjellësit dhe veprimin e prokurores së Tetovës
• LEXO: Sela reagoi ndaj ngjarjeve në Siniçan: Pas kësaj fshihen bizneset e funksionarëve të BDI-së
• LEXO: Situata në Siniçan, Policia pret urdhër me shkresë nga Prokuroria për t’u tërhequr nga vendi ku punohet ujësjellësi
• LEXO: Përpjekje e pasuksesshme për ndërtimin e ujësjellësit në Siniçan, policia në vendin e ngjarjes!