Viktima dhe mijëra të plagosur në shpërthimin masiv në Bejrut (VIDEO)

 Zjarri në një depo me eksploziv në Portin e Bejrutit shkaktoi shpërthimin masiv nga i cili sipas raportimeve të para humbën jetën dhjetëra persona dhe u plagosën mijëra të tjerë, transmeton Anadolu Agency (AA).

Shpërthimi i sotëm gjithashtu ka shkaktuar dëme të mëdha materiale, njoftoi agjensia zyrtare e lajmeve në Liban.

Sipas të dhënave të para të Ministrisë së Shëndetësisë së Libanit, 50 persona kanë humbur jetën ndërsa mbi 2.500 të tjerë janë plagosur.

Eksplodimi në Bejrut, foto: Twitter

Depoja përmbante eksploziv që ishte kapur më parë, tha shefi i policisë libaneze.

Sipas raporteve fillestare, ish-kryeministri Saad al-Hariri, i cili jeton afër zonës ku ndodhën shpërthimet, thuhet se nuk është i lënduar.

Eksplodimi në Bejrut, foto: Twitter

Rezidenca e Al-Haririt, pronat e qeverisë, Xhamia Mohammad Al-Amin dhe ndërtesat përreth thuhet gjithashtu se kanë pësuar dëme të mëdha.

“Zjarri shkaktoi në shpërthime të mëdha që jehuan në kryeqytet dhe periferi”, thuhet në raportimin e agjensisë.

Eksplodimi në Bejrut, foto: Anadolu Agency

Gjithashtu bëhet e ditur se njerëzit janë bllokuar nën rrënojat pasi shpërthimi rrëzoi një ndërtesë trekatëshe në kryeqytet.

Guvernatori i Bejrutit, Marwan Abboud, i cili shpërtheu në lot derisa po fliste para gazetarëve në vendin e shpërthimit, e krahasoi shpërthimin me bombat e tmerrshme bërthamore të qyteteve japoneze Hiroshima dhe Nagasaki, ku u vranë përnjëherë qindra mijëra njerëz.

Më vonë gjatë ditës, burime afër grupit Hezbollah mohuan pretendimet se shpërthimi në Beirut ishte një sulm izraelit në depot e tyre të armëve.

Eksplodimi në Bejrut, foto: Anadolu Agency

“Zjarri shkaktoi shpërthime të mëdha që jehuan në kryeqytet dhe periferi”, thuhet në raportimin e agjensisë.

Javën e kaluar, forcat izraelite bombarduan qytetin kufitar Kafr Shuba duke thënë se ata kishin parandaluar një përpjekje për depërtim nga Hezbollah, një pretendim që grupi e mohoi.

Shpërthimi vjen në një kohë kur ekonomia e Libanit po përballet me krizën e saj më të rëndë në dekada.

Eksplodimi në Bejrut, foto: Anadolu Agency

Shpërthimi ndodh ndërsa një gjykatë e mbështetur nga Kombet e Bashkuara po zhvillon një proces gjyqësor ndaj katër personave që i përkasin grupit shiit Hezbollah. Ata dyshohet se kanë vrarë ish-udhëheqësit sunit të Libanit, Rafik Hariri, gjatë një sulmi me një kamion me eksploziv 15 vite më parë, ngjarje që shkaktoi trazira rajonale. Gjykata ka në plan të marrë një vendim të premten, një zhvillim që mund të trondisë vendin sërish.

Lajme të ngjashme

Leave a Reply

Your email address will not be published. Required fields are marked *

Back to top button