fbpx

Komplikime: Kardiologët frikohen nga dëmtimi afatgjatë i zemrës te pacientët e shëruar nga COVID-19

Dy studime të reja nga shkencëtarët gjermanë tregojnë se më shumë se tre e katërta e pacientëve që janë rikuperuar së fundmi nga COVID-19 kanë zhvilluar probleme afatgjata të zemrës, edhe pse gjendja e tyre nuk kërkonte shtrimin në spital. Rezultatet e studimit u botuan të hënën në revistën JAMA Cardiology.

Rezultatet e rezonancës magnetike të zemrës (MRI) të kryera në qindra pacientë që shërohen nga COVID-19, mjekët i krahasuan me rezultatet e të njëjtave teste të kryera mbi qindra njerëz që nuk ishin të infektuar me koronavirusin e ri. Mosha mesatare e të anketuarve ishte 49 vjet, ndërsa dy e treta e pacientëve u shëruan në shtëpi. Pas dy muajsh, pacientët e infektuar kishin më shumë të ngjarë të shfaqnin probleme me zemrën sesa ato në grupin e kontrollit, transmeton Panacea.mk.

Është treguar se në një përqindje më të madhe të pacientëve, 78% e tyre zhvilluan dëmtim të rëndë të muskujve të zemrës, siç janë ato që shfaqen pas një sulmi në zemër. 67 pacientë ishin duke u shëruar në shtëpi, ndërsa gjendja e 33 pacientëve kërkonte shtrimin në spital.

“Këta janë pacientë relativisht të rinj dhe të shëndetshëm të moshës 45 deri në 53 të cilët u sëmurën në pranverë. Shumë prej tyre sapo ishin kthyer nga skijimi dhe asnjëri prej tyre nuk mendonte se kishte probleme me zemrën”, thekson Dr. Valentina Puntmann, kardiologe në Spitalin Universitar të Frankfurtit që udhëhoqi studimin.

“Fakti se 78% e pacientëve që janë rikuperuar nga COVID-19 kanë zhvilluar probleme serioze në zemër, sugjeron që sëmundja më shpesh prek muskulin e zemrës, megjithëse nuk ka simptoma të zakonshme të sëmundjes së zemrës, siç është dhimbja në gjoks që shoqëron angina pectoris”, shpjegon dr. Puntman, duke shtuar se ai beson që sa më shpejt që pacienti të diagnostikohet me COVID-19, gjendja e muskujve të zemrës duhet të veprohet dhe monitorohet.

Rezultatet e studimit sugjerojnë që shumë pacientë me COVID-19 mund të zhvillojnë dështim të zemrës, gjendje në të cilën ata nuk mund të pompojnë gjak të mjaftueshëm për të përmbushur nevojat e të gjitha pjesëve të trupit për oksigjen dhe lëndë ushqyese.

Është shumë herët për të thënë nëse dëmi te pacientët që rikuperohen nga COVID është kalimtar ose i përhershëm, por kardiologët janë të shqetësuar.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close