Me një togë dhe personel shtabi RMV do të marrë pjesë në misionin e NATO-s në Kosovë
Qeveria në mbledhjen e sotme të 78-të e miratoi Informatën për pjesëmarrje të Republikës së Maqedonisë së Veriut në misionin e NATO-s në Kosovë – KFOR, transmeton Portalb.mk.
“Qeveria e angazhoi Ministrinë e Mbrojtjes të ndërmarrë masa të nevojshme dhe t’i rregullojë të gjitha çështjet me institucionet kompetente të NATO-s dhe KFOR-it, për sistemim të njësisë me fuqi të një toge dhe personel shtabi (gjithsej deri 45 persona) në operacionin e KFOR-it në Kosovë deri në fund të vitit 2020, dhe ta njoftojë Qeverinë për masat e ndërmarra lidhur me pjesëmarrjen e RMV-së në operacionin e NATO-s në Kosovë – KFOR më së voni deri më 15.12.2020”, thuhet në kumtesën nga shërbimi qeveritar për shtyp.
Republika e Maqedonisë së Veriut më 27 mars të këtij viti u bë anëtare e NATO-s, ndërsa më 30 mars, flamuri i shtetit tonë, si flamuri i vendit të 30-të anëtar, njëkohësisht u ngrit në selinë e NATO-s në Bruksel.
