fbpx

Rouhani: Populli iranian po kalon përmes një procesi të vështirë

Presidenti i Iranit, Hassan Rouhani, dekalroi se populli iranian po kalon përmes një procesi shumë të vështirë për shkak të koronavirusit dhe sanksioneve të SHBA-së, raporton Anadolu Agency (AA).

Rouhani pas takimit të Këshillit Kombëtar për Luftën Kundër Koronavirusit tha se Irani, përkundër sanksioneve të SHBA-së, nuk është gjunjëzuar.

“Populli ynë po kalon përmes një procesi shumë të vështirë, si për shkak të pandemisë, ashtu edhe për shkak të sankisoneve të imponuara nga SHBA. Sanksionet kanë shkaktuar vështërsi të mëdha ekonomike, ndërsa pandemia ka rënduar barrën që mbajmë mbi supe”, deklaroi Rouhani.

Ai më tej tha se me fillimin e pandemisë në mbarë botën, zbatuan masa si ndalesa e lëvizjes dhe kufizimi i udhëtimit, por se kjo nuk ishte zgjidhje.

“Ndonjëherë kufizimet bëhen burim i problemeve. Kur ndalon zinxhiri i prodhimit dhe shpërndarjes, jeta e përditshme e popullatës bëhet e pamundur. Prandaj, u hoqën masat dhe ndalesat, të gjithë u drejtuan drejt normalizimit të gjendjes”, theksoi presidenti iranian.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close