RMV, Pasi goditi pikëpagesën rrugore, ka ikur nga vendngjarja shoferi i kamionit me 43 migrantë
Ministria e punëve të brendshme (MPB) në Maqedoninë e Veriut sot raportoi se dje në orët e hershme të mëngjesit, një kamion ka goditur pikëpagesën rrugore në autostradën Kumanovë-Shkup, transmeton Portalb.mk.
Kamioni “Iveko” kishte goditur kabinën e pikëpagesës, dhe prej atij moment shoferi i kamionit kishte ikur nga vendi i ngjarjes. Policia raporton se akoma nuk kanë arritur të identifikojnë shoferin.
Kamioni që ngeli në pikëpagesën rrugore, ishte i mbushur me gjithsej 43 migrantë. Nga Bangladeshi ishin 13 migrantë, nga Pakistani 11, nga Siria 10, 5 nga Afganistani dhe 4 nga Turqia.
Policia raportoi se në lidhje me rastin është informuar edhe Prokuroria publike, ndërsa migrantët janë vendour në Qendrën e pranimit “Vinojug” në Gjevgjeli.