Mickoski: Pres mbështetje serioze nga qytetarët për koalicionin “Për ripërtëritje për Maqedoninë”
Zhgënjimi është i madh, tendenca është të kemi ndryshime, të vijnë politikanët që ofrojnë shpresë, politikanë që dinë të menaxhojnë me sfidat, jam i bindur për fitore të madhe të VMRO-DPMNE-së, kështu që nuk do të befasohem nëse do të kemi shumicë në Kuvend, deklaroi sot lideri i VMRO-DPMNE-së Hristijan Mickoski pas takimit me udhëheqjen e SASHK-ut.
Ai theksoi se pret mbështetje serioze nga qytetarët për koalicionin “Për rimëkëmbje për Maqedoninë” dhe, siç tha ai, kjo ndihet çdo ditë në takimet me qytetarët, transmeton MIA.
“Ne e vlerësojmë që si opsion fitues pas këtyre zgjedhjeve do të kemi komunikim të shkëlqyeshëm në pjesën e negociatave dhe bisedimeve me partnerë të mundshëm të koalicionit të udhëhequr vetëm nga shtylla kryesore në programin tonë, dhe kjo është se si ne në të vërtetë të kemi shtet ligjor funksional, dhe pastaj gjithçka tjetër që sot është realitet në Maqedoni. Kjo është menaxhimi me pandeminë e Kovid, duke adresuar sfidat e arsimit, krizën shëndetësore, krizën ekonomike. Tani jemi para vjeshtës kur nëse kjo gjendje me pandeminë zgjat aq sa zgjat, do të vijë gripi sezonal. Kështu që gjendja do të jetë serioze dhe alarmante dhe askush nuk e përmend këtë”, tha Mickoski.
Lideri i VMRO-DPMNE-së theksoi se vendet e zhvilluara evropiane tashmë kanë filluar të flasin për skrining masiv, vaksinim masiv kundër gripit sezonal.
Ai theksoi se arsimi duhet të jetë përparësi kryesore për të gjithë.
