Gjermania pagoi rreth një miliardë euro për trupat amerikan

Gjermania gjatë dhjetë viteve të fundit, pagoi rreth një miliardë euro për stacionimin e armatës amerikane në territorin e saj, ndërsa Shtet e Bashkuara të Amerikës, presidenti i së cilës Donald Trump paralajmëroi tërheqjen e 9,500 ushtarëve, paguajnë më shumë.

Dy të tretat e atyre shpenzimeve, gjegjësisht 648.5 milionë euro, janë për masa e ndërtimit të infrastrukturës, kurse 333.9 milionë euro për të ashtuquajturat pasojat mbrojtëse, të cilat përfshijnë dëme të shkaktuara nga plakja e trupave amerikane dhe kthimi i investimeve amerikane në bazat e mëparshme, transmeton MIA.

Këto të dhëna dalin nga përgjigja e Ministrisë së Financave në pyetjen për deputeten e Majtistëve Brigita Frajlod.

Megjithatë SHBA, ka shpenzime shumë më të mëdha për stacionimin e armatës së saj në Gjermani.

Ministria e Mbrojtjes të SHBA-së i vlerëson shpenzimet për këtë vit në rreth 8,125 miliardë dollarë, që është për 61 herë më shumë se 132,4 milionë euro, aq sa Gjermani ka ndarë për qëllimet e saj vitin e kaluar.

Megjithatë ushtria amerikane ka përparësi të mëdha lidhur me bazat në Gjermani, sepse përmes tyre i siguron ushtarët, për shembull, në misionet në Irak dhe Afganistan.

Aktualisht, rreth 35.000 ushtarë amerikanë janë stacionuar në Gjermani.