Nga varësia ndaj drogës deri tek humbja e zërit, 13 arsye që fshihen pas vdekjes tragjike të Amy Winehouse

Amy Winehouse ishte vetëm 27 vjeç kur u gjet e vdekur në banesën e saj në Londër.

Ajo ishte një nga yjet më të mëdha të muzikës në botë, me një koleksion të madh çmimesh të “Brits” dhe “Grammies”.

Beteja e saj me varësinë ndaj drogës dhe alkoolit dhe marrëdhëniet e trazuara me ish-burrin Blake Fielder-Civil mbushën faqet e gazetave për vite me rradhë.

Por një dokumentar i “Channel 5” që shqyrton 13 arsyet pse një nga talentet më të mrekullueshëm të shekullit 21 vdiq sqaron se problemet e Amy filluan shumë kohë para se vëmendja e të gjithëve të kthehej tek ajo.

1. Momenti që familja u shkatërrua

Amy lindi në Londrën e Veriut në shtator 1983 dhe qe e lumtur me mamin, Janis, babin, Mitch dhe vëllain, Alex.

Sidoqoftë, gjithçka u prish kur prindërit u ndanë ndërkohë që ajo ishte vetëm nëntë vjeç.

Divorci pati qartë një ndikim të thellë dhe të qëndrueshëm tek Amy.

Deri në vitin 1992 Amy kishte fituar një bursë në shkollën teatrore të Sylivia Young.

Ajo ishte inkurajuar nga gjyshja e saj, Cynthia, e cila mund të shihte aftësitë e Amy dhe donte që ajo t’i vinte në përdorim.

2. Amy formoi zakone të këqija

Amy ishte një talent i pamohueshëm në shkollë, por gjatë kësaj kohe filloi të zhvillojë disa nga zakonet e këqija që do ta ndiqnin gjatë pjesës tjetër të jetës.

Në moshën 13 vjeç ajo shpoi buzën dhe pak më vonë bëri tatuazhin e parë.

Në moshën e adoleshencës, Amy kishte filluar të eksperimentonte me kanabis, gjë që do të zgjaste për vite të tëra.

Amy gjithashtu zhvilloi disa zakone të rrezikshme të ngrënies.

Nëna e saj, Janis, tha: “Kur ajo ishte 15 vjeç më thonte ‘Unë kam gjetur këtë dietë me të vërtetë të shkëlqyeshme, ha atë që dua’. Doja që kjo do të kalonte. Unë i thashë Mitch për këtë dhe ai nuk po e merrte seriozisht.”

Ekziston një dyshim se Amy vuante nga një çrregullim i padiagnostikuar i personalitetit, por ajo nuk pranoi të kërkojë ndihmë ose një diagnozë.

3. Amy lëviz në pjesën e gabuar të qytetit

Amy nënshkroi një marrëveshje në “Island Records” në 2002, kur ishte vetëm 19 vjeç, që kishte një vlerë prej 250,000 £.

Një nga gjërat e para që bëri ishte transferimi në Camden në Veri të Londrës.

Robert Elms tha: “Ky ishte vendi më i rrezikshëm në botë për Amy. Ai i plotëson nevojat e saj, por gjithashtu kërcënon jetën e saj.”

4. Amy takon njeriun e gabuar

Ishte në 2005 kur Amy u takua me burrin e saj të ardhshëm, Blake Fielder-Civil dhe dyshja u zunë shumë shpejt me njëri-tjetrin.

Zoe tha: “Ajo pati një jetë të re me Blake dhe ata ishin fiksuar me njëri-tjetrin. Nëse ajo kishte një të dashur, kjo ishte gjëja më e rëndësishme në jetën e saj”.

Vetë Blake ka pranuar se ishte dashuri me shikim të parë kur pa Amy dhe para shumë kohësh çifti ishin krejtësisht i pandashëm.

Vetëm disa muaj pasi filluan lidhjen e tyre u bë e qartë se kishte diçka që nuk shkonte me Amy.

5. Amy humbet një verë

Deri në verën e 2005-ës, Amy ishte dukshëm më e hollë dhe dukej e lodhur.

Ajo kishte mahnitur audiencën në “Mercury Awards” në 2004-ën, por vetëm 12 muaj më vonë, dukej e rraskapitur dhe e dobët.

Psikologu Honey Langcaster-James tha: “Kur fama erdhi ajo u ndesh me imazhin e saj, shpesh të ‘hedhur në erë’, për dikë që tashmë po luftonte me probleme rreth ngrënies dhe administrimi i peshës do të ketë qenë traumatik”.

Por ekziston një teori më e errët se përse pesha e Amy kishte rënë befas – ishte droga.

Chip Somers, specialist i varësisë, tha: “Kokaina dhe heroina e çuditshme do t’ju bëjnë të dukeni skeletik.”

6. Amy i thotë jo rehabilitimit

Miqtë, familja dhe administruesit e saj e inkurajuan të shkonte në rehabilitim.

Fillimisht, ajo refuzoi, një vendim i cili e frymëzoi për këngën e saj më të madhe, “Rehab”.

Në një moment, ajo nuk pranoi të kërkonte ndihmë, por nëse ajo dhe Blake do të trajtoheshin në të njëjtin institucion, atëherë nuk do të kundërshtonte.

Ai tha: “I shpjegova Blake se ishte e pamundur t’i trajtoja të dy bashkë, por që mund t’i trajtoja veçmas, ne shkuam të bisedonim me Amy që ishte jashtë në makinë dhe ajo e pa Blake duke menduar se ç’duhet të bënin.

“Ai tha ‘ne do të gjejmë dikë tjetër’. Unë uroja që të mund të flisja me Amy vetë.”

7. Amy humbet heroin e saj

Gruaja që Amy dëgjonte ishte gjyshja e saj, Cynthia, e cila fillimisht e kishte inkurajuar që të ndiqte ëndrrat dhe të bëhej këngëtare.

Tatuazhi në krahun e djathtë të Amy ishte një haraç për gjyshen e saj Cynthia dhe u krijua nga Henry Hate.

Por ndërsa Amy po regjistronte albumin e saj të dytë, “Back to Black”, në New York, Cynthia vdiq në mënyrë tragjike.

Amy u shkatërrua dhe u kthye në shtëpi.

8. Fama zë vend

Albumi “Back To Black” ishte një hit i madh.

Ajo mori çmimin “Amy Brit” dhe pesë çmime “Grammy”.

Ajo ishte në faqen e parë të çdo gazete dhe ndërsa po ngjitej lart dhe po prekte suksesin e madh, Blake Fielder-Civil kthehet në jetën e saj.

Çifti martohet në Miami në 2007, por kur kthehen në Londër, problemet e Amy u bënë vërtetë seriozë.

9. Amy bëhet ‘pronë’ publike

Me suksesin e madh të albumit të saj dhe jetën e trazuar të dashurisë me Blake, Amy është pjesë e pashmangshme në lajme.

Paparacët janë kampuar përgjithmonë jashtë derës së saj të përparme.

Psikologu Anjula Mutanda tha: “Ata po e ndjekin dhe bërtasin për të marrë një reagim.

“Ajo do të ndihej si një kafshë, e bllokuar në qoshe dhe duke u përpjekur të largohej prej këtyre njerëzve”.

10. Varësia rritet

Amy ishte gjithmonë prezente në gazeta, pjesërisht për shkak të marrëdhënies dramatike me Blake.

Dhe më pas shfaqet një foto e çiftit, të cilët janë të gjakosur dhe të mbuluar me shenja gërvishtjeje.

Edhe këmbët e Amy janë të mbuluara në gjak.

Publiku ishte i vetëdijshëm për dramën në jetën e Amy, por nuk dinte gjë për betejën e saj me drogën.

11. Amy arrin kulmin e krizës

Videoja ku Amy merr lëndë narkotike ka çuditur fansat dhe jo vetëm kaq, tymi i nxehtë filloi t’i dëmtonte akordet vokale.

Shoku Zoe tha: “Ajo kishte humbur shumë peshë dhe nuk kishte mbetur pothuajse asgjë prej saj, por ende po konsumonte shumë drogë. Ajo ishte plakur, kishte probleme fizike dhe flokët i binin”.

Blake më vonë u burgos për 27 muaj për sulmimin e një pronari në një bar dhe këtu gjërat me të vërtetë filluan të përkeqësohen për Amy, e cila ishte plotësisht e varur nga burri i saj.

Blake doli nga burgu në shkurt të 2009-ës dhe kërkoi divorc.

Miqtë dhe familja e Amy ishin të lumtur dhe ajo madje filloi një lidhje të re me regjisorin e filmit, Reg Traviss.

Një nga ëndrrat e Amy bëhet realitet kur ajo regjistron një duet me legjendën e muzikës, Tony Bennett.

12. Amy humbet zërin

Pal Zoe Griffin thotë: “Nuk e di pse ajo po e bënte turneun, nuk i duheshin para. Amy nuk donte të ishte atje, kështu që pse po e detyronin të dilte në skenë?”

Amy dukej e lumtur dhe e shëndetshme, por vetëm disa orë më vonë ajo u kthye tek zakonet e saj të vjetra, vdekjeprurëse.

13. Amy shkatërrohet

Pas paraqitjes së saj në skenë me Dionne, Amy fillon të pijë dhe shkon në ekstrem.

Gazetarja e showbiz-it, Hannah Fernando tha: “Ajo nuk kishte më asgjë, kishte humbur dashurinë, fansat dhe zërin.

Amy bisedoi për herë të funditt me rojen e saj, Andrew Morris, para se të shtrihej për të fjetur në mbrëmjen e 22 korrikut të vitit 2011.