fbpx

Është publikuar audioincizim i ri ku flasin Mickoski dhe Kiçeec

Është publikuar një audioincizim në kanalin e Youtube “Reket”, në të cilin dëgjohen zërat e liderit të VMRO-DPMNE-së, Hristijan Mickoski dhe Zoran Mileskit – Kiçeec, njërit nga të dënuarit në rastin “Reket”.

Incizimi ka të bëjë me mënyrën se si janë paguar autobusët për protestën që ka organizuar partia opozitare kundër politikave qeverisëse më 2 qershor, transmeton Portalb.mk.

Kiçeec: “Gjej ndonjë person, nuk e di, ka pasur ai një shok të mirë, diçka aty këtu, unë do të vij vetëm mos të shkojë vetëm, assesi të hy në parti, ato janë muhabetet”.

Mickoski: “Sasho asnjëherë nuk ka ardhur në parti, i thyer nga brenga. Sasho ka dhënë dy herë nga 5 mijë euro për autobusët më 2 qershor, ajo është donacion nga Sasho”.

Kiçeec: “Unë do t’ju them diçka…”

Ndërkohë, të premten në kanalin e njejtë në Youtube, është publikuar edhe një incizim. Në atë bisedë, lideri i VMRO-DPMNE-së i është ankuar bashkëbiseduesit (Zoran Mileski – Kiçeec) se është fotografuar gjatë shkuarjes në takim me Orce Kamçev, ndërsa biznesmeni është nën masa të posaçme hetimore.

Të shtunën në kanalin e njëjtë, është publikuar një incizim i titulluar “Reket2”, që është vazhdim i pjesëve të publikuara të bisedës mes Mickoskit dhe Kiçeec.

Lajme të ngjashme

Leave a Reply

Your email address will not be published. Required fields are marked *

Back to top button