fbpx

Më 1 korrik do të rinisin fluturimet nga aeroporti i Shkupit

Me fluturim të “Viz Er” të mërkurën hapet Aeroporti ndërkombëtar – Shkup. “Viz Er” do ta hap edhe aeroportin në Ohër “Shën Apostol Pavle” të enjten me fluturim me të cilin do të udhëtojnë turistë nga Holanda dhe Polonia, deklaroi sot drejtori i përgjithshëm i TAV-Maqedoni, Alper Ersoi.

Protokollet janë përgatitur dhe plotësojnë të gjitha standardet botërore. Siç potencon Ersoi, udhëtarët duhet të arrijnë tre orë para fluturimit sepse kontrollet për shkak të masave mbrojtëse janë pak më të ngadalta. Nuk do të ketë kufizime për uljen në aeroplanë sepse, siç tha Ersoj, fluturimi do të ishte i padobishëm. Udhëtarët do të duhet të mbajnë maska ​​mbrojtëse gjatë gjithë kohës në fluturim, dhe kabina e aeroplanëve, thekson Ersoi, janë pajisur me filtra të veçantë të cilat shkatërrojnë 99.9 për qind të viruseve dhe baktereve, tranmeton MIA.

Ministri i Shëndetësisë Venko Filipçe i cili së bashku me ministrin e Transportit dhe Lidhjeve Goran Sugareski e vizituan Aeroportin e Shkupit dhe realizuan takim me menaxherin e TAV, konfirmoi se të mërkurën, më 1 korrik, do të hapen të dy aeroportet në Shkup dhe në Ohër.

“Protokolli i aeroportit ndërkombëtar – Shkup është sipas të gjitha standardeve botërore. Masat themelore mbrojtëse janë plotësisht të vendosura – distanca, dezinfektuesit dhe detyrimi për të mbajtur maska, kurse në hyrje  është vendosur kamerë termike. Skriningu do të vazhdojë, dhe dhoma e izolimit do të jetë në funksion”, deklaroi Filipçe pas vizitës në aeroport dhe takimit me menaxhuesit.

Qeveria e Maqedonisë së Veriut javën e kaluar vendosi që prej 1 korrikut të hapen aeroportet e vendit, përkatësisht aeroporti ndërkombëtar-Shkup dhe Aeroporti “Sv.Apostol Pavlle” në Ohër”, transmeton Portalb.mk.

Sipas rregullave të reja të cilat janë në përputhje me masat për mbrojtje nga Covid – 19, udhëtarët do të duhet të arrijnë në aeroport të paktën tre orë para fluturimit të tyre, të mbajnë maska mbrojtëse vazhdimisht, të mbajnë distancë fizike dhe shkallë të lartë të higjienës personale.

Udhëtarët duhet t’i dezifenktojnë këpucët dhe duart në hyrjen e ndërteses dhe vazhdimisht të mbajnë distancë fizike. Gjatë Largimit (Departures), hyrja e vetme e hapur për udhëtarët në ndërtesën e terminaleve do të jetë hyrja “Departures C”, me ç’rast para hyrjes secili udhëtar do të duhet të vendos masë mbrojtëse, t’ua tregojë biletën e aeroplanit (të shtypur ose në telefon) agjentëve për siguri dhe pastaj të kalojë përmes dyshemesë për dezinfektim të këpucëve, e pastaj edhe t’i dezinfektojë duart në dispanzerët pakontakt për dezinfektim të duarve, të vendosura në vet hyrjen e ndërtesës.

Gjatë daljes nga ndërtesa e aeroportit, para hyrjes në koridor, urës për udhëtar e pastaj në aeroplan, udhëtarët prap do të duhet t’i dezinfektojnë duart, për çka dhe në ato vende TAV Maqedoni ka vendosur dispanzer për dezinfektimin e duarve.

Aeroportet në Maqedoninë e Veriut u mbyllën më 19 dhe 16 mars të këtij viti si pjesë e masave për pengimin e hyrjes dhe përhapjes së Covid 19.

Lajme të ngjashme

Leave a Reply

Your email address will not be published. Required fields are marked *

Back to top button