Mbaroi seanca e Qeverisë së Maqedonisë së Veriut

Qeveria e Maqedonsië së Veriut miratoi Protokoll për transit të papenguar për qytetarët e huaj nëpër territorin e Maqedonisë së Veriut, transmeton Portalb.mk. Në këtë seancë, Qeveria nuk kërkoi vazhdimin e gjendjes së jashtëzakonshme. Sipas kësaj, kuptohet se data e vetme për zgjedhje tash për tash mbetet 5 korriku.

“Qeveria e RMV-së në seancën e 66-të miratoi Protokollin për transit të shtetasve të huaj nëpër territorin e RMV-së”, njoftoi Qeveria, duke sqaruar se qytetarët kanë liberalizim të plotë të hyjres dhe daljes nga shteti përmes pikave kufitare në Tabanoc, Deve Bair, Bogorodicë, Qafë Thanë, Bllacë dhe aeroportin e Shkupit.

“Qeveria sqaroi se shtetasit e huaj që të shfrytëzojnë këtë të drejtë nuk duhet të dalin nga autostrada ose rruga locale dhe këtë të drejtë ta shfrytëzojnë brenda 5 orëve. Për këtë, Qeveria njoftoi se shfrytëzuesit e kësaj të drejtë do të marrin deklaratë në hyrje dhe dalje të vendit, duke u përqendruar në kohëzgjatjen e qëndrimit në vend.

“Qeveria raportoi se janë pranuar kërkesat e 476-të kompanive për ndihmë në lartësi prej 316,038,500 denarë.

Në këtë seancë Qeveria ka ndryshuar dekretin me fuqi ligjore për zbatim të Ligjit për huamarrje nga Maqedonia e Veriut në Bankës Botërore për rindërtim dhe zhvillim – Banka Botërore për financim të Projektit për lidhje të rrugëve lokale në kohën e gjendjes së jashtëzakonshme, me të cilat, me pëlqim paraprak nga Banka Botërore, mundësohet që mjetet e mbetura në vlerë prej 37 milionë euro nga kjo huamarrje të ridestinohen për pagesë të rrogave të punëtorëve në muajin qershor 2020, sipas masës për ndihmë financiare për pagesë të rrogave në vlerë prej 14.500 denarë.

Gjithashtu është sjellë vendim që për shpërndarje të mjeteve për financim të shoqatave dhe fondacioneve për masa për ballafaqim me krizën e Kovid-19 të cilat janë ndarë në 40 shoqata dhe fondacione në vlerë prej 29.647.474 denarë.