fbpx

Marrëdhëniet bullgaro-maqedonase do të zgjidhen në vitin 2013?

Bisedimet për marrëdhënie të mira ndërfqinjësore do të mbahen gjatë vitit 2013, deklaroi dje kryetari bullgar, Rosen Plevneliev.

Duke folur në konferencën me rastin e përvjetorit të parë, pasi ai dhe për nënkryetarja Margarita Popov i morën funksionet e kryetarit dhe të nënkryetarit të Bullgaris, Plevneliev deklaroi se vendi i tij i përkrah perspektivat evropiane të Ballkanit Perëndimor, por me këtë rast do të kërkojë të përmbushen kërkesat bullgare për të gjithë kandidatët.

“Në vitin 2013 do të ketë bisedime për nënshkrimin e Marrëveshjes për marrëdhënie të mira ndërfqinjësore të bazuar në Deklaratën për fqinjësi të mirë nga viti 1999”, deklaroi Plevneliev, sipas të cilit, dokumenti i nënshkruar 13 vite më parë nuk respektohet nga pala maqedonase.

“Isha i sinqertë kur eurokomesarit për zgjerim, z.Fyles i thashë publikisht se nuk pajtohem me raportin vjetor të Komisionit Evropian në pjesën e marrëdhënieve të mira ndërfqinjësore. Atëherë deklarova se manipulimi me historinë është i rrezikshëm për shkak se krijon iluzion për një të kaluar të madhe, në vend që të ofrojë zgjidhje për ardhmërinë. E përkrahim Maqedoninë në mënyrën më të sinqertë, ashtu siç e kemi bërë gjithmonë, por ka probleme të cilat patjetër duhet të zgjidhen”, deklaroi kryetari bullgar. Sipas Plevnelievit zhvillimi i ngjarjeve ndërmjet Maqedonisë dhe Bullgarisë do të monitorohet nga afër nga ana e institucioneve evropiane dhe vendet anëtare. /Portalb

Lajme të ngjashme

Back to top button