Çair, tri shtatëzëna në Gjinekologjinë kanë fshehur simptomet, izoluan 18 punonjës shëndetësorë

Për momentin, Gjinekologjia në Çair punon me një numër të zvogëluar të stafit mjekësor, sepse 18 persona janë në izolim. Drejtori Ismaili thotë se disa prej tyre janë të infektuar me KOVID-19 dhe për këtë arsye është shumë e rëndësishme që pacientët të jenë të sinqertë, shkuran SDK.

Tre shtatzëna që kanë lindur në spitalin gjinekologjik të Shkupit në Çair nuk kanë treguar se kishin pas kontakte me persona pozitiv në KOVID-19, e më pas është vërtetuar se edhe ato kanë koronavirus. Drejtori i Spitalit special për gjinekologji dhe obstetrikë “Nënë Tereza” Bashkim Ismaili për SAKAMDAKAKAZHAM.MK thotë se 18 punëtorë mjekësorë aktualisht janë në izolim sepse këta tre pacientë nuk i kanë treguar të dhënat e sakta kur ua kanë bërë anketën epidemiologjike.

“Njërën shtatzënë, burri i së cilës kishte qenë pozitiv, e zbuluam vetëm para se ta dërgonim në dhomën e lindjes. Pastaj menjëherë me ambulancë të Ndihmës së shpejtë e dërguam në Klinikën e gjinekologjisë. Për dy lehonat tjera mësuam se kishin anëtar pozitiv të familjes, ndërsa më pas janë infektuar edhe ato pasi janë larguar nga spitali. Me të vërtetë, fshehja është një problem i madh me të cilin po përballemi. U bëj thirrje të gjitha grave shtatzëna, por edhe të gjithë pacientëve të tjerë të jenë të sinqertë gjatë anketës epidemiologjike. Të gjithë pacientët nënshkruajnë pyetësorin kur e japin deklaratën. Për dhënie të të dhënave të pasakta duhet të mbahet përgjegjëse,” ka thënë drejtori Bashkim Ismaili.

Aktualisht, Spitali special i Gjinekologjisë në Çair – Shkup funksionon me numër të zvogëluar të stafit mjekësor, sepse 18 persona janë në izolim. Drejtori Ismaili thotë se disa prej tyre janë të infektuar me COVID-19 dhe për këtë arsye është shumë e rëndësishme që pacientet të jenë të sinqerta për të mbrojtur profesionistët e kujdesit shëndetësor.

“Nuk do të ketë kush t’i trajtojë qytetarët nëse ata nuk na japin informacione të sakta dhe të sinqertë. Ne të gjithë pacientët tani i pranojmë në protokolle të rrepta. Punonjësit, infermieret, mjekët mbajnë maska ​​dhe vizirë. Maska u japim edhe të gjitha lehonave. Por, nuk mund t’i kontrollojmë vazhdimisht nëse ata i mbajnë maska ​​gjatë gjithë kohës kur janë në spital”, ka thënë Ismaili.

Që nga shpërthimi i epidemisë KOVID-19 në mes të marsit, në gjinekologjinë e Çairit janë dërguar paciente nga i gjithë Shkupi, pasi Klinikën e gjinekologjisë janë pranuar vetëm paciente me shtatzëni të ndërlikuara, raste të dyshuara dhe ato pozitive. Drejtori thotë për dallim nga vitet tjera, në këtë periudhë ata kanë rritje të punës diku 40 përqind, por duke e pasur parasysh numrin e madh të personelit të izoluar mjekësorë, ata punojnë me më pak staf, kështu që në kolektiv ndihet lodhje.

Inspektorati shtetëror i shëndetit dhe sanitar është duke e hetuar edhe rastin e një lehone e cila ishte prezantuar rrejshëm si mjeke dhe kishte fsheh se vjehrri i saj kishte qenë pozitiv në KOVID-19, kur kishte ardhur të lindte në Klinikën e gjinekologjisë në Shkup. Kur stafi kishte marrë informacione se shtatzëna kishte pas anëtar pozitiv në familje dhe kishte kërkuar të testohej, ajo ishte ofenduar dhe kishte shkuar për të lindur në Spitalin privat Remedika. Edhe atje ajo kishte fsheh se kishte kontakte me person pozitiv në KOVID-19.

Si rezultat i sjelljes tillë të papërgjegjshme, rreth pesëmbëdhjetë mjekë nga të dy maternitetet tani janë në izolim, ndërsa vetë lehona, ka përfunduar si paciente në trajtim në Klinikën e sëmundjeve infektive. Foshnja e porsalindur është shëndosh.