RMV, 1068 nuk kanë mbajtur maska, 125 vendime të reja për izolim
Masën për mbajtje të mbrojtjes personale e kanë shkelur 1068 qytetarë gjatë 24 orëve të fundit në territorin e Republikës së Maqedonisë së Veriut, transmeton Portalb.mk.
Ministria e Punëve të Brendshme ka informuar sot se, për 125 persona janë dhënë vendime për izolim, ndërsa 167 kanë nënshkruar deklarata për vetizolim.
Nëpunësit e policisë kanë kryer kontroll te personat në izolim dhe vetizolim, me ç ‘rast është vërtetuar se një person nuk e ka respektuar masën për vetizolim.