SHBA, është rritur në 109.176 numri i të vdekurve nga COVID-19

 Numri i personave të vdekur nga koronavirusi i ri (COVID-19) në SHBA është rritur në 109.176, prej të cilëve 1.072 kanë humbur jetën në 24 orët e fundit, transmeton Anadolu Agency (AA).

SHBA vazhdon të mbetet vendi me numrin më të lartë të rasteve të konfirmuara dhe të viktimave.

Të dhënat nga faqja e internetit “Worldometer” tregojnë se në 24 orët e fundit, numri i rasteve pozitive me koronavirus në SHBA është rritur për 21.793, duke e çuar numrin e përgjithshëm në 1.903.941.

Ndërkaq, në mbarë vendin, deri më tani janë shëruar afër 689 mijë të infektuar, ndërsa numri i personave të testuar ka arritur në rreth 19,1 milionë.

Shteti i New York-ut mbetet më i godituri në SHBA, me gjithsej 382.837 raste të konfirmuara dhe mbi 30 mijë viktima.

Pas SHBA-së, numrin më të madh të të infektuarve e kanë regjistruar Brazili me mbi 578.017 raste, Rusia me 441.108 dhe Spanja me 287.406 raste.

Lajme të ngjashme

Leave a Reply

Your email address will not be published. Required fields are marked *

Back to top button