“Ditët T”, maratonë shfaqjesh në Teatrin Kombëtar në Shkup
Nga data 13 deri më 21 dhjetor në organizim të Teatrit Shqiptar – Shkup, nën patronatin e Komunës së Çairit do të zhvillohet manifestimi “Ditët T”, në të cilin do të marrin pjesë me shfaqje të ndryshme Teatri Kombëtar i Prishtinës, Teatri “Migjeni” – Shkodër, Teatri ODA – Prishtinë, Teatri i Tetovës dhe Teatri i Kumanovës – Drama Shqipe.
Nën moton “Ti je pjesë e trekëndëshit” Teatri Shqiptar – Shkup fton publikun në këtë “Takim” me artistët shqiptarë, ndërsa për fituesit e lojës shpërblyese nga biletat e shitura, sponsorët Smaragd, Libraria e Çarshisë, Neptun dhe Gemak do të dhurojnë: qafore ari me logon e 100 vjetorit (punim ekskluziv), komplet librash të autorit Rexhep Qosja (29 vepra), televizor LCD 26″, komplet librash të autorit Ismail Kadare (20 vepra) dhe tre pako telefon celular+numër prepaid.
Çmimi për bllok biletë për të gjitha shfaqjet është 1 000 denarë. Biletat janë në shitje nga 13 dhjetori në Librarinë e Çarshisë dhe në biletarinë e Teatrit Shqiptar, ndërsa bllok biletat mund të sigurohen vetëm në Teatrin Shqiptar.
Ja edhe orari i shfaqjeve:
13 dhjetor, e enjte
19.00h GJENERALI I USHTRISË SË VDEKUR
14 dhjetor, e premte
19.00h PARAJA Teatri Shqiptar Shkup
15 dhjetor, e shtunë
19.00h NJËSITI I MALLKUAR – Teatri i Kumanovës, Drama Shqipe
17 dhjetor, e hënë
19.00h BIG BROTHER SHKODRA – Teatri “Migjeni” – Shkodër
18 dhjetor, e martë
19.00h SEKS? T’FALEMNDERS, SA ME E PROVU! Teatri “Migjeni” Shkodër
20.30h ME GRUSHT TEHUT TË THIKËS – Teatri i Tetovës
19 dhjetor, e mërkurë
19.00h NATA E DYMBËDHJETË – Teatri Kombëtar i Kosovës
20 dhjetor, e enjte
19.00h SIKUR KJO TË ISHTE SHFAQJE – Teatri ODA – Prishtinë
21 dhjetor, e premte
19.00h OPERA E LYPSARËVE
