“Makpetrol”: Jemi të gatshëm të nënshkruajmë marrëveshjen me të cilën do të zgjidhet çështja me “GA-MA”
“Makpetrol” AD Shkup i ka marrë të gjitha vendimet përkatëse dhe është për të nënshkruar marrëveshjen me të cilën do të zgjidhet çështja me GA-MA, thuhet në përgjigjen e kompanisë në lidhje me tekstin e “Meta.mk”, me titull “Marrëveshja e papërfunduar ndërmjet Qeverisë dhe Makpetrol për “GA-MA” mund të shkaktojë probleme në gazifikim”, raporton Meta, përcjell Portalb.mk.
Kompania shton se ata do të respektojnë plotësisht ligjin dhe rekomandimet e Paketës së tretë energjetike.
“Ai qëndrim mbetet edhe sot, “Makpetrol” SHA Shkup i ka ndërmarrë të gjitha veprimet dhe aksionet e nevojshme për të nënshkruar marrëveshjen për ndërmjetësim, ndërsa për arsyen për të cilën Qeveria nuk e ka nënshkruar, ne nuk mund t’Ju përgjigjemi, për atë duhet të pyetni Qeverinë”, thonë nga” Makpetrol”.
Megjithëse Qeveria më 19 dhjetor miratoi Vendim për aprovim të fondeve nga buxheti për vitin 2019 për blerje të pjesës së “GA-MA” SHA Shkup, detyrimi ligjor për ndarjen e veprimtarive dhe marrjen e aksioneve nuk është realizuar ende, sepse ende nuk ka është realizuar përfundimisht Marrëveshja midis Qeverisë dhe “Makpetrol”, e cila duhet të shesë pjesën e saj.
Kjo, sipas kreut të Burimeve Kombëtare energjetike Bajram Rexhepi, mund të pengojë procesin e gazifikimit.
