Me shpjegimin e ankesave vazhdoi debati publik para Gjykatës së Apelit për “27 prillin”
Të akuzuarit për hyrjen në Kuvend më 27 prill të vitit 2017 dhe avokatët e tyre sot në ditën e dytë të debatit publik triditësh para Gjykatës së Apelit në Shkup, vazhduan me shpjegimin e ankesave të dorëzuara për aktgjykimet e lëndës, njofton MIA.
Mes 16 të akuzuarve të cilët me gjykimin e shkallës së parë nga marsi i vitit të kaluar ishin dënuar në gjithsej 211 vite burg për vepër penale “kërcënim terrorist të rendit shtetëror” janë ish drejtori i Byrosë për siguri publike Mitko Çavkov, pjesëtarët e MPB-së dhe Agjencia e Inteligjencës.
Prokuroria, sërish, ka ankesë për shfajësimin e Igor Durllovskit.
Mbrojtësi i Çavkov, avokati Sashko Dukovski, në seancën e sotme publike tha se rasti është i papërmbajtur, sepse në mes të procedurës ka pasur amnisti të një pjese të akuzuarve të parë, si dhe se për ngjarjen e njëjtë tashmë ka pasur rast tjetër që është procesuar më shpejtë dhe ku të akuzuarit kanë kaluar me akuzë të parrezikshme.
Në fillim i akuzuari Aleksandar Vasilevski Ninxha e njoftoi Gjykatën se, sot derisa është nxjerrë nga burgu, verbalisht është sulmuar nga personat të cilët ishin në shoqërim të vajzës së Mitko Çavkov.
Ndryshe, Aktgjykimi i parë në këtë lëndë u miratua në mars të vitit të kaluar dhe të akuzuarit u dënuan për veprën penale “Rrezikim terrorist të rendit kushtetues”. Me këtë, 16 të akuzuarit morën dënim gjithsej 211 vjet burg. Përveç Çavkovit, në mesin e të dënuarve ka edhe përfaqësues tjerë të MPB-së dhe Agjencisë për Zbulim.