Brazil, shënohen 965 viktima të reja nga COVID-19

Në shtetin e Amerikës Jugore, Brazil, si pasojë e koronavirusit të ri (COVID-19) kanë humbur jetën 965 persona gjatë 24 orëve të fundit, transmeton Anadolu Agency (AA).

Sipas të dhënave të Ministrisë së Shëndetësisë, me 965 vdekjet e reja numri i viktimave në shtetin latino-amerikan ka arritur në 22.013 ndërsa me 16.508 raste të reja ka arritur në 347.398 numri i rasteve.

Sipas faqes së internetit “Worldometer”, e cila përpilon të dhënat më të fundit mbi pandeminë, thuhet se Brazili nga pikëpamja e numrit të rasteve dhe viktimave lidhur me virusin është vendi më i prekur në Amerikën Latine dhe vendi i 2-të në botë për nga numri i rasteve.