RMV, Numri i divorceve është rritur për 22,8% vitin e kaluar, ndërsa ai i kurorëzimeve për 2,4%

Enti Shtetëror për Statistikë ka regjistruar 1990 divorce në vitin 2019, që paraqet rritje për 22,8% në krahasim me vitin e kaluar. Ndërkohë, vitin e kaluar janë regjistruar 13.814 kurorëzime, përkatësisht 2,4% më shumë në krahasim me vitin 2018, njofton Portalb.mk.

Sipas këtyre të dhënave, më shumë kurorëzime janë bërë në muajin gusht, kur janë martuar 1747 çifte, ndërsa mesatare e kurorëzimit është 26,9 për nusen dhe 29,7 për dhëndrin.

Ndërkohë, më shumë divorce janë realizuar gjatë muajit nëntor, kur janë regjistruar 244 divorce, apo 12,3% e numrit të përgjithshëm për vitin 2019.

Të dhënat statistikore për vitin 2019 tregojnë se kurorëzimet më së shpeshti prishen te bashkëshorti dhe bashkëshortja në moshën prej 30 deri 44 vjeç.