Pas dy muajsh rënie, çmimi i naftës rritet në mbi 30 dollarë për fuçi
Çmimi i naftës amerikane mbrëmë arriti në 32,05 dollarë për fuçi për shpërndarje në qershor, që është hera e parë në dy muajt e fundit.
Rritja e çmimit të naftës është për shkak të optimizmit të prodhuesve dhe tregtarëve dhe kthimit gradual të qytetarëve në vendet e punës, transmeton Alsat.
Në dy ditët e kaluara, ka pasur rritje të lehtë të kërkesës për dy komponentët kryesorë që lëvizin çmimin e naftës në bursat ndërkombëtare – benzinës dhe vajgurit.